HAMTONG by Karl Gaspar
Tawga kong kwanggol, bisan gani sugarol
Ilha kong bongol, o gani tawong bulakbol
Ayaw lang tawon 'Day, nga ma-angkon ko'ng kaguol
sa imong pag-tawag kanako nga usa ka Tiguls!
Kahait pa Inday sa imong mga dila
Wala kay kaluoy bisa'g kita ka nakong nagluha
Hinay-hinaya Day paggamit og pulong nga pait
Kaloy-i 'tawon ning naputos na sa kangitngit.
Kung ugaling idaran na kining nagsangpit kanimo
Nga unta ihalad imong kasingkasing kanako
Tawga lang 'tawon ko 'Day nga usa ka tawong hamtong
Hamtong ang pagmahal tungod sa akong panuigon.
Linkback:
https://tubagbohol.mikeligalig.com/index.php?topic=41847.0