Gabii Sa Paghandomsinulat ni Mike Ortega Ligalig
gibiyaan mo ako nga nagtindog
dinhi ning mangiob nga dalan,
ang kalibotan sa atong mga pagbati
dinhi nahimugso, diha nianang
mga mapahiyumong dahon sa Manga,
gisaksihan sa bulan ug mga bituon
buot ko pa untang dalhon ang kabugnaw
sa imong gakos ngadto sa tumoy sa bangaw
ug iuli ang kainit sa kagabhion
diha sa daganasan sa imong ngabil,
apan mitalikod ka na ug milakaw
paingon sa imong pinuy-anan
ug ako gimingaw sa awit sa aninipot,
sa huni sa imong talidhay, ug
sa pagpangalimyon sa mga kabulakan...
Linkback:
https://tubagbohol.mikeligalig.com/index.php?topic=43616.0