TUBAGBOHOL.com with Ligalig Mike Ortega

Inside Bohol => Pulong Bisaya => Topic started by: Ligalig-Mike on September 22, 2011, 10:08:49 AM

Title: Gabii Sa Paghandom
Post by: Ligalig-Mike on September 22, 2011, 10:08:49 AM
Gabii Sa Paghandom
sinulat ni Mike Ortega Ligalig

gibiyaan mo ako nga nagtindog
dinhi ning mangiob nga dalan,
ang kalibotan sa atong mga pagbati
dinhi nahimugso, diha nianang
mga mapahiyumong dahon sa Manga,
gisaksihan sa bulan ug mga bituon

buot ko pa untang dalhon ang kabugnaw
sa imong gakos ngadto sa tumoy sa bangaw
ug iuli ang kainit sa kagabhion
diha sa daganasan sa imong ngabil,
apan mitalikod ka na ug milakaw
paingon sa imong pinuy-anan
ug ako gimingaw sa awit sa aninipot,
sa huni sa imong talidhay, ug
sa pagpangalimyon sa mga kabulakan...
Title: Re: Gabii Sa Paghandom
Post by: hubag bohol on September 22, 2011, 03:20:55 PM
Ah, gugmang patayng-buhi!  :'(
Title: Re: Gabii Sa Paghandom
Post by: bugsay on September 22, 2011, 03:33:04 PM
MATA UG TIKI
Ipahinungod ni HubagBohol ;D

gibiyaan mo ako nga nagtuy-od
dinhi ning mangiob nga habol,
ang banig sa atong mga pagbati
dinhi nahimugso, diha nianang
mga mapahiyumong tabili,
gisaksihan sa lawa-lawa ug mga tiki....


bwahahaha
Title: Re: Gabii Sa Paghandom
Post by: hubag bohol on September 22, 2011, 05:28:47 PM

Bwahaha! Oops...

Pastilan, kaluoy na lang ang makapatukmod kang Mike pagdumili sa pag-ban kanimo gumikan niiining imong  tubag-balak nga nanamastas sa gugma, Bay Bugs...

;D
Title: Re: Gabii Sa Paghandom
Post by: bugsay on September 22, 2011, 07:35:12 PM


hehehe...idol nako ni's sir mike....kay pino pas lugas sa bonbon ang iyang mga balak halad sa gugma.

kining akong tubag balak nga gipahinungod, pag-ukyab ra ni sa tinan-ogan mo'ng bahakhak... :P
 ;D
Title: Re: Gabii Sa Paghandom
Post by: hubag bohol on September 22, 2011, 07:47:58 PM

He he, sama nga timgas pa sa puti nga baybayon ang imong pagbiaybiay sa gugma? ;D
Title: Re: Gabii Sa Paghandom
Post by: bugsay on September 22, 2011, 07:50:01 PM

ajaw na palabi-i kay basin di na ko moage pa'g warning.......ban for life dayon...hehehe
Title: Re: Gabii Sa Paghandom
Post by: hubag bohol on September 22, 2011, 08:04:56 PM

Hmm, dili ako lisod patuhoon nianang maong mga tirada... apan matag-an ba ang panahom sa uban? ;D
Title: Re: Gabii Sa Paghandom
Post by: hubag bohol on September 22, 2011, 08:09:15 PM

Na hala, ingnon ta lang nga kini mao ang gabii sa paghandom
Niadtong higayon nga nataligam-an mo ang pagsul-ob sa condom...

;D
Title: Re: Gabii Sa Paghandom
Post by: bugsay on September 22, 2011, 08:26:32 PM

gabii kadto sa paghandom
nagkapuliki pagsugod sa kilumkilum
wa'y tabon hangtud kadlawon
giusban pag-abot sa kabuntagon

nag-uga na ang tila-ok
nagpataan hangtod sa udtong tutok
mata mura'g di na mamilok
gikapoy na ang gibirok..... ;D

Title: Re: Gabii Sa Paghandom
Post by: hubag bohol on September 22, 2011, 08:46:38 PM

He he, gikapoy na ang gibirok
Nga kansang aping nagkalamorok
Unsaon nga kay taga Balingsya
Nabatasan nga haskang lawgawa
Molutaw ang pagkabinuangon
Ug sobrang pagkabogolbogolon...

;D

Title: Re: Gabii Sa Paghandom
Post by: Ligalig-Mike on September 22, 2011, 09:27:48 PM
hahahah. mamuot man sab ta ning inyong mga sambingay bai bugs ug hubs.
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal