MikeLigalig.com

Paaboton Ko Ikaw
sinulat ni Satur Apoyon
                           
Hangtod sa tumoy sa imong Damgo
Paaboton ko ikaw
            Sa tibuok nga pagbalaan
            Sa mga saad ta;
Bisan pa nga ang mga bituon sa langit
            Mangatagak tanan sa akong dughan
            Ug ang mga kabulakan usab maako na
            Ug akoa ra gayodâ€"
            Akoy mabihag dili bisan kanus-a
            Tungod kay gimahal ko ikaw
             Sa tibuok kong kinabuhiâ€"
Busa paaboton ko ikaw hangtod kanus-a
             Sa imong pagbalik, Pinangga!
               
Ug kon ugaling mapakyas man
            Ang atong panumpa
             Sa gahom ni Pagbudhi:
Hinumdomi nga mahalon ko ikaw
             sa kanunay,
Handomon sa tanang mga gutlingâ€"
            O! paaboton ko ikaw, Rita!