Bol-anong batan-on, hain ka na?
Ikaw ba kanang nag sul-ot ug perti ka mobo nga saya?
Nagbarog, nagpa presyo daplin sa Agora,
Aron maangkon ang tanang butang bisan ug dili kaya.
Gibaligya mo ang imong unod ug gihugawan ang bol-anong dugo,
Nga sa kaniadto pa giampingan ug gialimahan.
Bol-anong batan-on, hain ka na?
Ikaw ba kanang nagyampungad, nakigtagay sa barkada?
Gipa eskwela aron maka kat-on apan sa eskwelahan wa mo tungha,
Gipili mo ang kagawasan apan gi pusgay mo ang imong ugma!
Ugma damlag ikaw unya mahigmata...
Ikaw unya makaamgo nga maglitok, "Unta wala ko buhata!"
Bol-anong batan-on hain ka na?
Ikaw ba kanang nadungog ko nga nag-asoy ug "how cheap!"
Kay imong giyam-iran ang kaugalingon mong pinulongan
Nga maoy una nimong nalitok pagmata niining kalibutan.
Bol-anong batan-on pagmata na!
Kung dili ikaw ang mo lihok, kinsa?
Ikaw ang gipanganduy nga mo salbar niining gamay ta nga isla!
Maoy mo paila sa kaanindutsa atong kinaiya.
Panahon na aron ikaw mo lihok
Sa imong gamay nga pagi mahatagan mo ang atong nasud ug maanindut nga bolok!
Linkback:
https://tubagbohol.mikeligalig.com/index.php?topic=8288.0