Bisan Pa Diay Ang Kamatayonsinulat ni mike ligaligbisan pa diay ang kamatayon
dili makapapiog sa imong kahilom
ug dili makatumpag sa paril
nga mitadlas sa duha ta ka kalibotan
ug dili makadugtong sa atong taytayan
nga karon gitay-an sa paghikalimot
nasayop diay ako sa akong pagtoo
nga ikaw ang kataposang mopahid
sa nauga kong mga luha
nasayop diay ako sa akong pagtoo
nga ikaw ang kataposang modagkot
ug kandela alang sa akong pagpanaw
nasayop diay ako sa akong pagtoo
nga ikaw ang kataposang kamot
nga akong paggagunitan
sa dihang mahimo na akong abog
mobalik ako sa dapit diin ikaw
kataposan kong nakita ug nagakos-
diin imong gikanlat ang akong paglaum
Linkback:
https://tubagbohol.mikeligalig.com/index.php?topic=6789.0