TUBAGBOHOL.com with Ligalig Mike Ortega

Inside Bohol => Pulong Bisaya => Topic started by: bugsay on April 02, 2010, 01:01:30 PM

Title: BATOBALANI SA GUGMA
Post by: bugsay on April 02, 2010, 01:01:30 PM
BATOBALANI SA GUGMA
By: Bugsay

Sa adlaw nga wa damha nagkaila ta
Numero sa telepono nagbinayloay tang duha
Sa sinugdanan daw baliwala ra
Kasing-kasing wa ka alinggat sa imong kagwapa

Hangtod nga daghang tawag namugna
Nagka estorya tang duha sa bisan unsa nga takna
Lawom nga gabii wa gyud ko dukaa
Kay nakighinabi pa ka nako sa pikas linya

Nanglabay’ang mga adlaw gikan sa atong panagkaila
Mga ngisi sa akong baba permi na molakra.
Mga gabii sa sala mag atang ko’s telepono
Usahay akong gi dulog didto sa akong kwarto.

Ilimod ko ba nga naigo na ko sa pana ni kupido
Nibusikad ang pagbati nga daw sa armas gi rapido
Makadungog lang sa imong ngan moulbo
Ang kahinam sa akong dughan naglagubo.

Hangtod nagkahigugmaay gyud ta'ng duha
May mga tawo moingon nga superficial ra ang akoa
Naay niingon unsay akong ikahatag kanimo ug ikapalit
Tinuoray nga gugma mao ray akong ikadalit.

Naunsa naman intawon ako
Daw batobalani nga di pwede’g wa ko nimo
Daw gision akong kahiladman kon ako mahilayo
Hinungdan nga nag uban na ta ug naminyo.
Title: Re: BATOBALANI SA GUGMA
Post by: one*made*0f*nothing on April 02, 2010, 08:56:28 PM
litsi gugma naba ni

nyahahahahahahaha

nice one

bugsay
Title: Re: BATOBALANI SA GUGMA
Post by: chicogon on April 02, 2010, 11:23:45 PM
Ipabasa ni misis!!!
Title: Re: BATOBALANI SA GUGMA
Post by: Koddi Prudente on April 02, 2010, 11:34:37 PM
Abi nako'g ang kanta ni sa Basilica Minore del Santo Niño.
Title: Re: BATOBALANI SA GUGMA
Post by: statesville on April 03, 2010, 02:09:47 AM
Matam-is nga kagahapon
sa kinabuhi pagahandomon

Kagahapon nga matahom
sa gugmang wa damhon

Sa katapusan naangkon
nakab-ot ug malipayon

Imong misis swertehon
nakabana ug balaknon.

 
Title: Re: BATOBALANI SA GUGMA
Post by: bugsay on April 03, 2010, 01:12:44 PM

toink!!!...mas swerte ko sa akong misis...mauy hinungdan nga namugna ang maong balak
nga gihukad gikan sa kinauyokan sa akong kaitlogan....ay este, kabukogan.... ::)
Title: Re: BATOBALANI SA GUGMA
Post by: hubag bohol on May 24, 2010, 12:16:00 PM

Ang bukog wa sudlig uyok
Nga di itlog ang gabuyok
Ug kini adto ibuhos
Sa baho-baho nga biyoos.

;D
Title: Re: BATOBALANI SA GUGMA
Post by: AsPo on May 24, 2010, 01:49:43 PM
Title: Re: BATOBALANI SA GUGMA
Post by: hubag bohol on May 24, 2010, 02:18:43 PM

Ay! Ang silingang gabitay--
Maajo pa ang minatay
Kay sa kataposang adlaw
May purohan pang mabanhaw.

;D
Title: Re: BATOBALANI SA GUGMA
Post by: AsPo on May 24, 2010, 02:27:30 PM
Title: Re: BATOBALANI SA GUGMA
Post by: hubag bohol on May 24, 2010, 02:44:01 PM

Bwahaha! Mora diayg baki nga uhaw
Nga sa dakong lim-aw nagpunay og dungaw
Siging kokak-kokak kay unsaon hungaw
Man diay ang lasaw nga utok sa amaw.

;D
Title: Re: BATOBALANI SA GUGMA
Post by: AsPo on May 24, 2010, 07:46:38 PM

basin na amaw
sa gugma,nga taphaw
mao sige og jawjaw
kay sa lim-aw,ija pagtoo,ang mga kauban way hanaw.
Title: Re: BATOBALANI SA GUGMA
Post by: hubag bohol on May 24, 2010, 08:56:36 PM

Basin naamaw sa gugma sa kaugalingon:
Sa ijang paminsar wa kanijay makaharong
Mao nga nagsigig mantala sa ijang bayhon
Nga intawon baja angay ilawog sa tirong.

;D
Title: Re: BATOBALANI SA GUGMA
Post by: AsPo on May 25, 2010, 10:06:38 AM

ajaw ilawog sa tirong
kay dad-on siya sa kalbaryo
matod pa sa usyusiro
sija ang  kanang kamay sa ginoo.
Title: Re: BATOBALANI SA GUGMA
Post by: hubag bohol on May 25, 2010, 10:23:52 AM

Kon maohon, ato na lamang pasagdan
Kay basin kita hinuon magabaan.
Ato sijang iampo sa kalangitan
Nga lamdagan sa maajong pagtulon-an.
Title: Re: BATOBALANI SA GUGMA
Post by: AsPo on May 25, 2010, 11:04:33 AM

pagtulon-an niya murag tua sa lanig kalibutan
kay sa iya pagtoo sija gamhanan
bisan tawo nga dili sad-an
ija man jod nga tamakan,og ang agi ija pajod hagbason.
Title: Re: BATOBALANI SA GUGMA
Post by: hubag bohol on May 25, 2010, 11:45:12 AM

Basin gikan sija sa karaang kalibotan
Diin ang katawhan bungoton ug kahadlokan
Kusog mamunal sa uban nga ilang masaypan
Nga gustong molabaw sa ilang pagkagamhanan.

;D

Title: Re: BATOBALANI SA GUGMA
Post by: bugsay on June 03, 2010, 12:15:01 AM
atot ninyong duha uy...

ayaw tawon ninyo mansahi akong balak
kay gikulti ko kini gikan sa akong pahak
ayaw na sumpayi ug lain pag pakli
adto gyud kini paingon sa ambungan nga baki....
Title: Re: BATOBALANI SA GUGMA
Post by: hubag bohol on June 03, 2010, 06:04:44 AM
Pasayloa, magbabalak, naingon ni ani
Kay unsaon labaw pa man sa batobalani
Ang hiyas sa baki nga naghari-hari dinhi
Bisan tuod nagbitay-bitay ang iyang tinai.


Title: Re: BATOBALANI SA GUGMA
Post by: bugsay on June 03, 2010, 08:46:20 AM
bwahahaha....
Title: Re: BATOBALANI SA GUGMA
Post by: statesville on June 03, 2010, 09:29:16 AM
[img width= height=]http://www.internoodle.com/kermit/Frog/ag00291_.gif[/img]
Title: Re: BATOBALANI SA GUGMA
Post by: taga tigbao on June 03, 2010, 09:38:04 AM
Baki nga sige kokak dinhi
Wa pa gajud intawon hiilhi
Istoryang binaki kita nagwali
Taympa ra si kinsa man ni? ;D
Title: Re: BATOBALANI SA GUGMA
Post by: hubag bohol on June 04, 2010, 10:32:42 PM

Kanang mga pulong nga "kokak" ug "wali"
Maoy giya sa hustong tubag tingali;
Ug ajaw wad-a sa imong panumdoman
Ang tingsi sa baki nga gamhanan.

;D
Title: Re: BATOBALANI SA GUGMA
Post by: bugsay on June 04, 2010, 10:35:00 PM

mao ni batobalani sa baki?...hehehe
Title: Re: BATOBALANI SA GUGMA
Post by: hubag bohol on June 04, 2010, 10:38:36 PM

Batobalani sa baki nga ang gugma maoy naglabaw
Mao nga nagsulimbad hinuon ang ijang kalimutaw.

;D
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2020, SimplePortal