Inside Bohol > Bisaya Cebuano Language

BALAK SA GWAPO by Jun Abines

(1/1)

MikeLigalig.com:
BALAK SA GWAPO
sinulat ni Jun Abines

Gwapo ko dili sa pag panghambog
Bisag asa ko paingon daghan babayeng maibog
Bisan minyo nga babaye kanako mototok
Labi na mga mahuyang di gyud mamilok

Ayaw ko basula kong daghan ko'g uyab
Lisod mobalibad kung gwapa na modasmag
Daghan magpa cute with thier beautiful eyes
Ilang gibati kanako ni gyud nila i- disguise.

Unsay akong himoon aron magmalipayon
Makit-an ang babayeng angay gyud sa kaminyoon
Daghan mga babaye magpaila gyud mga boutan
Pero ang tinood ngil-ad diay'g batasan

Nia pay mga lalaking nga maot ug nawong
Masuya kanako ila gyud kong hadlokon
Sa gwapa nga babaye di ko nila paduolon
Kung di ko motuo ila daw kong tablahon

Naa sab mga matrona sige magpabantang
Kwarta ug regalo sige ko nila hatagan
Wa koy ikabayad kundi pahiyom lamang
Dip-ig ug hapyod maoy ilang gilauman

Unsa kaha mag artista na lang ko
Basin sa mga action star ipakulata ra ko
Kung swertihon ma leading man ko ni Anne Curtis
Aw dugay ra usa ka buwan nga di siya mabuntis

Pag tan-aw ko sa samin ako nahibolong
Di diay ko gwapo nasubrahan lang sa ilimnon
Sakit sa akong dughan nawala na hinoon
Kay gi gibasted man ko sa babayeng taga Diatagon. Bow!

(By: Jun Abines)

Linkback: https://tubagbohol.mikeligalig.com/index.php?topic=89411.0

Navigation

[0] Message Index