Pagbiya sa Kawhaan ug Pito (27)Pipila na lamang ka mga gutlo, ikaw ako nang pagabiyaan
Ug ako nang ihatod sa basurahan sa kalimot
Aron pagaminyo-an ang bag-ong ugma.
Akong gi gogol ang nahibilin nga mga takna,
Sa pag-pakli, paghandom, pagsusi sa mga panid,
Buot kong balikon ug dimdimon ang matam-is nga dugos
Nga mi dagay-day sa mapula mong mga ngabil
Hain na ang mainit mong mga gakos?
Gibati ko ang kamingaw ug kawili
Sama sa kuko sa banug nga mi hawid,
Ug mi tusok sa nagdugo kong kasing-kasing
Apan pasaylo-a ako sa hugot kong paghukom
Nga ikaw akong talikdan, ug ipaanod sa balud sa kalimot
Ako makigtaban sa bag-ong nilalang
Nga nagahulat, ubos sa hagdanan
Buot ko ikaw nga isalikway ug hikalimtan sa hangtud
Apan ang imong hulagway, migamot na sa akong panumduman
(Mike: you may notice that I am using some words from your previous balaks. This is a sort of a flashback)Linkback:
https://tubagbohol.mikeligalig.com/index.php?topic=5036.0