TUBAGBOHOL.com with Ligalig Mike Ortega

Inside Bohol => Pulong Bisaya => Topic started by: Scott on October 16, 2007, 05:16:03 PM

Title: balak: ga, mata na
Post by: Scott on October 16, 2007, 05:16:03 PM
Ga, mata na
ni RV

Gabii, gi-ahak
gi-away dyud ko nimo
kay nganong miutang
na pod ko’g Mallorca*

haskang lawgawa
sa tunga-tunga
sa atong panaglalis
mihilum ka na lang

ug
sa imong naandan
gihu-om mo ug apil
ang kahi-ubos
ilawom sa habol
nga nag   ka   gi   wa   tay      
na

Pangga,
ga, pasayloa.
ania, giandaman tika
ug lawot sa dinung-ag

ug sa imong pagkahinanok
mihapuhap sa imong tangkugo
ang akong mga ngabil, naghinay-hinay
nagpangita sa imong dalunggan
aron ihong-hong…


“Ga,
mata na,
kay mangatulog na ta.”   




Mallorca*-poor man’s gin. In the league of GSM and Vino Kulafu.
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal