Duha ka Bathala
sinulat ni Satur Apoyon
Ning atong kalibotan
Nga inaptan sa usa ka Langit,
Dunay duruha ka mga Bathala:
Bathalang Langitnon,
Bathalang Kalibotanon.
Ang imong Bathala,
Daghan di motan-aw
Bisan sila nakakita;
Nagpakabungol bisan nakadungog
Sa mga Pulong sa Isang gisangyaw.
Ang ikaduhang Bathala,
Daghang gapiyong sa mga mata
Bisan sulad ang gidulngan;
Giulipon ang kaugalingon
Sa mga pangandoy’ng lawasnong:
Kahangol sa bahandi,
Panlupig sa mga gagmay,
Pagyatak sa mga mahuyang---
Mga dagko ray nagpakabulahan.
Alaot, o, alaot nga mga tawo….!
Ila ang kalimot karon;
Ugma ang ulahing pagkaamgo
Nga may tinuod nga Bathala
Kanila maningil ug manudya!
Linkback:
https://tubagbohol.mikeligalig.com/index.php?topic=54604.0