MikeLigalig.com

Ayaw Ako Pangutan-a
sinulat ni m. ligalig

Ayaw ako pangutan-a ngano nga nasulat,
ngano nga gisulat ko kining maong balak
Ayaw na pakisayri ang sinugdanan
ug bisan ang kataposan sa akong mga balak
Ayaw na sulayi ug tugkad ang akong balak -
magpusnga lang ka sa imong pagtunga...
Ayaw na pangutana kung unsa nga mga gumunhap,
sugilanon, kagahapon, kaugmaon
nga nagpaluyo sa akong mga balak.

Wala ako magsulat ug balak. Wala ako masayod.
Wala ako masayod kung unsa ang mga pulong
nga migawas ning mga tudlo. Wala ako masayod.

Wala ako masayod sa kahulogan sa akong balak.
Seguro ang mga langgam sa kahoy nasayod niini.
Wala gani ako makahibalo kung unsay ulohan
sa akong mga balak. Wala ako nasayod.

Ayaw ako pangutan-a.
Hikalimti ang akong mga balak.
Hikalimti ako.

Gimino ako sa mga eskina sa akong mga damgo.
Nagsukarap ako sa mangiob nga dalan
paingon sa kagawasan sa pulong wala masulat.
Nabilanggo ako sa gahom sa balak
ug kini naggapos kanako ilawom
sa langob sa akong dughan,
sa sabakan ning alimpatakan, handurawan.

Ayaw ako hasola sa imong mga pangutana
kay nagsalimuang ako pagpangita
sa kahayag, sa daganasan, sa pultahan
paingon sa paraiso diin makita ko
ang dugokan, sinugdanan, kataposan,
ug kinabuhi sa akong mga balak.

Ayaw ako pangutan-a.
Hikalimti ang akong mga balak.
Hikalimti ako.

Wow! A nice one, Mr Admin.

This is a lyrical way of telling people to, "leave me alone!"...

Quote from: C2H4 on September 23, 2007, 01:36:13 PM
Wow! A nice one, Mr Admin.

This is a lyrical way of telling people to, "leave me alone!"...

Ethyl, it's just a poem. I welcome questions.

Quote from: Bohol on September 23, 2007, 01:40:00 PM
Ethyl, it's just a poem. I welcome questions.

Thank goodness. Reading your poem, mura'g mataha naman hinuon ko mangutana.

Quote from: C2H4 on September 23, 2007, 01:42:31 PM
Thank goodness. Reading your poem, mura'g mataha naman hinuon ko mangutana.

I have answered all your questions, Thyl.

Quote from: Bohol on September 30, 2007, 09:57:51 AM
I have answered all your questions, Thyl.

So far, Mike. So far.

But I'll keep hounding you with questions until you run out of answers.

(which I don't think will happen, anyway)

Nice poem Mike..........okey mida-ug ka

Hikalimtan ko ang imong balak pero di ikaw.  You are too nice to forget!

Miss Bambs,

basin kantahan nimo'g, "unforgettable, that's what you are" si Mike ha

AYAW AKO PANGUTAN-A kon kahibalo ba ako mokanta?

hahahaha

gwatsi

Quote from: Bambi on September 30, 2007, 10:48:56 AM
AYAW AKO PANGUTAN-A kon kahibalo ba ako mokanta?

Sa reunion sa Tubag Bohol, kada sakop sa TB, mokanta ug at least one song. Karaoke buntagay.

Quote from: Bambi on September 30, 2007, 10:48:56 AM
AYAW AKO PANGUTAN-A kon kahibalo ba ako mokanta?

Maajo man gyud ka mokanta Bams... i lab gani kaajo imongbanana sa imong pag ka singer!!!

Quote from: Bohol on October 05, 2007, 03:28:58 AM
Sa reunion sa Tubag Bohol, kada sakop sa TB, mokanta ug at least one song. Karaoke buntagay.

usa ra man diay...hahahaha

Quote from: Bohol on October 05, 2007, 03:28:58 AM
Sa reunion sa Tubag Bohol, kada sakop sa TB, mokanta ug at least one song. Karaoke buntagay.

ok i agree usa raman kaha ka kanta...wow kanindot kaha noh og makauli ta tanan,,1 day and 1 night is not enough pwede 3 days???hehehhe