TUBAGBOHOL.com with Ligalig Mike Ortega

Inside Bohol => Pulong Bisaya => Topic started by: yakiyeye on June 24, 2009, 12:00:41 AM

Title: ang balay sa tikasan
Post by: yakiyeye on June 24, 2009, 12:00:41 AM
ang balay sa tikasan


kung mangutana ka kung asa ang balay sa tikasan,
tultolan tika: liko sa tuo kablit sa wala dulhog sa unahan
lahos sa iskinita dire-diretsoa ang ngilit nga simanganan
sa ikatulong sagkaon baktas sa ikatulong kasagingan
lipot sa banakod diselya duol sa lapad nga tugkaran
ug moabot ka karon diha mismo sa imong gibarugan.

ug kung mangutana ka kung kaila ba ko sa tikasan,
subayan tika: anak ko sa igsuong lalaki sa uyuan
nga pag-umangkon sa kaluhang igsuon sa apohan
nga may binalaye nga ig-agaw sa akong pikas iyaan
nga bilas sa bayaw nga nakaburos sa akong inahan
nga may bugtong nga anak nga usa ka tikasan.
Title: Re: ang balay sa tikasan
Post by: buenavista on June 24, 2009, 02:04:38 AM
hmmmmmm,mura kaila nako sa tikasan ;D ;D ;D
Title: Re: ang balay sa tikasan
Post by: gwargz on October 22, 2009, 09:22:43 PM
Lisora subayon.
Title: Re: ang balay sa tikasan
Post by: Candijaynon on October 22, 2009, 09:24:10 PM
Wa ko kasabot unsay tikasan.
Title: Re: ang balay sa tikasan
Post by: AsPo on October 22, 2009, 09:25:36 PM
limbungan man siguro,or mangingilad?
Title: Re: ang balay sa tikasan
Post by: Candijaynon on October 22, 2009, 09:28:29 PM

ah, ok. thanks kaajo Mam Cat.
Title: Re: ang balay sa tikasan
Post by: statesville on October 27, 2009, 11:01:26 AM
nituyok man sad akong kalimutaw ug analyze ani
 ;D
Title: Re: ang balay sa tikasan
Post by: hubag bohol on October 27, 2009, 11:10:43 AM
 
Kinahanglan og diagram ning balaka. ;D
Title: Re: ang balay sa tikasan
Post by: ms da binsi on October 27, 2009, 01:27:44 PM


hala pag sugod na ug draw diha! sugod sa big round and then......
Title: Re: ang balay sa tikasan
Post by: hubag bohol on January 16, 2011, 08:09:48 PM

He he, maigo man ta ani sa giingon ni Thoreau bahin sa paglibot sa kalibotan aron lang iphon ang mga iring sa Zanzibar... 


 ;D
Title: Re: ang balay sa tikasan
Post by: Mulligan on January 16, 2011, 08:35:57 PM

Ang ilang balay mao ni ang direksyon. Sayon ra:

Unahan sa di pa ta mo-abot.  Kanang abay sa kilid....   ;D   ;D

Title: Re: ang balay sa tikasan
Post by: islander on January 16, 2011, 08:49:55 PM
duol pod sa tumoy sa layo, sa unahan sa hintungdan luyo sa banggera diin si hubsay nangharana...
Title: Re: ang balay sa tikasan
Post by: hubag bohol on January 16, 2011, 08:51:22 PM
Unahan sa di pa ta mo-abot.  Kanang abay sa kilid.... [/size]  ;D   ;D



He he, balay sa tikasan jud diay...
Title: Re: ang balay sa tikasan
Post by: hubag bohol on January 16, 2011, 08:55:36 PM

He he, luyo sa sagbayan sa sandayong sa abohan, sa kilid sa pantawan sa lawting sa sibay...  :P
Title: Re: ang balay sa tikasan
Post by: Mulligan on January 16, 2011, 08:58:03 PM

Hehe.  Kanang tikasan bai HB, pareho ra na sa kusog mamista pero panahon na kitay mamista sa ila daghan na ug address. 
Pag fiesta gane sa ila, mo-ingon sa zone 1 sya nasakop so dili sya mag fiesta.  Pag fiesta napud sa zone 1 mo-ingon napud sya ug zone 2.   ;D

Title: Re: ang balay sa tikasan
Post by: hubag bohol on January 16, 2011, 09:03:53 PM

Bwahaha! Parehas diay adtong akong nadunggan kaniadto nga estorya ilawom sa dagat bahin sa nagpuyo duol sa boundary sa duha ka baryo, nga alsahon lang kuno ang balay (bayanihan) unya dad-on sa pikas aron makalikay sa hikay unya siya permi ang mamistahay...


 ;D
Title: Re: ang balay sa tikasan
Post by: islander on January 16, 2011, 09:12:31 PM
wa ba diay kalainan ning balay sa tikasan ug balay sa daginotan?  hinoon, sugot na lang kog ibalhin-balhin ang balay nungka usab-usabon ang relihiyon kun panahon sa tingpista...
Title: Re: ang balay sa tikasan
Post by: Mulligan on January 16, 2011, 09:15:51 PM

Hehe.  Grabe na na Isles. haha.  Ako ni e suggest sa akong amigo na kusog mamista pero pag fiesta gani wa nay address.  Ang ilang balay man gud kay naa sa boundary ... hehe

Title: Re: ang balay sa tikasan
Post by: hubag bohol on January 16, 2011, 09:17:23 PM

Bwahaha! Karon pa pud ko aning usab-usabon ang relihiyon. Sama pananglit, unsa man?  ???
Title: Re: ang balay sa tikasan
Post by: islander on January 16, 2011, 09:45:42 PM
kahibawo ka na... di ko ganahan ma-ban sa tb.  lisod nag relihiyon nay hinganlan kay, na, moaso unya kog benditahan ni fr chic...
Title: Re: ang balay sa tikasan
Post by: hubag bohol on January 17, 2011, 05:39:07 PM
ang balay sa tikasan
[/size]

kung mangutana ka kung asa ang balay sa tikasan,
tultolan tika: liko sa tuo kablit sa wala dulhog sa unahan
lahos sa iskinita dire-diretsoa ang ngilit nga simanganan
sa ikatulong sagkaon baktas sa ikatulong kasagingan
lipot sa banakod diselya duol sa lapad nga tugkaran
ug moabot ka karon diha mismo sa imong gibarugan.

ug kung mangutana ka kung kaila ba ko sa tikasan,
subayan tika: anak ko sa igsuong lalaki sa uyuan
nga pag-umangkon sa kaluhang igsuon sa apohan
nga may binalaye nga ig-agaw sa akong pikas iyaan
nga bilas sa bayaw nga nakaburos sa akong inahan
nga may bugtong nga anak nga usa ka tikasan.
nga sa pagsinubay aning balaka nia karon gikutasan.


 ;D
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2020, SimplePortal