TUBAGBOHOL.com with Ligalig Mike Ortega

Inside Bohol => Pulong Bisaya => Topic started by: Ligalig-Mike on April 26, 2007, 02:14:53 PM

Title: Ako Ang Buyog Sa Imong Pagkabulak
Post by: Ligalig-Mike on April 26, 2007, 02:14:53 PM
(composed about 6 years ago)

Sa tanang mga buyog
nga naniba sa imong kaanyag
akong nasabtan
sa timbangan sa katilingban
ako ang buyog
nga wa magtangag ug bulawan.

ako ang buyog
nga sama sa naglutawlutawng dahon
ug naanod sa imong tiilan –
niadtong pyuros pa ang panahon.

buyog nga dili halangdon,
way pakong de makina,
akong tiil naputos sa kapit-os –
apan bisan pa man niana
wa mo lingia
ang sapot nga laksot

ug imo kong gipakapyot
sa lunhaw mong aping.

gidapit mo akong
moduyanduyan sa imong mga dahon,
hapo-hapon ang imong pag-inusara.

ug mipuyo ko ug daghang mga adlaw sa kalipay.

gani sa atong pagsinabtanay
mibuhagay sa akong galamhan
ang talagsaong kahidlaw
apan nasawod
sa akong kahadlok sa Kahitas-an.

mao man gani
wa ko kab-ota
ang pungango sa imong himaya.

mao man gani
daghang higayon nahuwad
ang imong katam-is

apan wa ko dimdima bisan
ang pinisik nga nalagsik –
kay di sab ko buot
kawad-on ka sa imong kahumot
nga way pagtugot sa Magbubuot

ug malarag ang imong kabatan-on
ug magsapnay ka sa mga pagmahay.

unya kalit mihuros
ang hanging mapintas -

napadpad ko

uban sa atong mga damgo…

ug niadtong luhaang panamilit
imo gihapong nahunghong kanako -

ug akong gigakos –
ang himalatyon mong pulong sa gugma...

written by: www.mikeligalig.com
Title: Re: Ako Ang Buyog Sa Imong Pagkabulak
Post by: Julai on June 28, 2007, 07:16:26 PM
mao man gani
wa ko kab-ota
ang pungango sa imong himaya.
-----------------------
nalingaw ko sa pungango sa imong himaya..

sakita man aning imong mga pulong sa gugma mike..makahilak mn ko ug noodles ani..
Title: Re: Ako Ang Buyog Sa Imong Pagkabulak
Post by: Ligalig-Mike on September 08, 2007, 04:08:13 AM

Julai, when we write a poem there should be no fear of expressing the depths of our thoughts. Some writers would keep on saying to themselves: "Ah, dili ni nako iapil, ah dili ni nako isulat kay basin unsay isulti ni Talpolano o Talpolana." It should not be like that. Let there be freedom in the floodgates of our hearts and minds.

For me, it is far from my imagination that those who read my poems would feel the pangs of pain either real or imaginary. I just write ideas and emotions either real or imaginary.

But being open and honest about your thoughts, as depicted in a poem, would touch one's heart because we (a poet and his/her readers) are all humans and we share some universal emotions.
Title: Re: Ako Ang Buyog Sa Imong Pagkabulak
Post by: Happy on September 08, 2007, 05:41:14 AM
Mike, kung ikaw ang buyog, ako ang taga Buyog (mao nay ngalan sa among baryo) :D
Title: Re: Ako Ang Buyog Sa Imong Pagkabulak
Post by: hazel on October 05, 2007, 10:22:41 PM
ug niadtong luhaang panamilit
imo gihapong nahunghong kanako -

ug akong gigakos –
ang himalatyon mong pulong sa gugma...

********

maka hinumdum man lang ta ani's nangagi oi..:(
Title: Re: Ako Ang Buyog Sa Imong Pagkabulak
Post by: Ligalig-Mike on October 09, 2007, 09:42:25 AM

Isaysay ang imong nangagi dinhi, Ginger.
Title: Re: Ako Ang Buyog Sa Imong Pagkabulak
Post by: hazel on October 09, 2007, 02:41:57 PM

Mike, dili na nato angay pukawon ang nahi katulog nang kagahapon.
Title: Re: Ako Ang Buyog Sa Imong Pagkabulak
Post by: Bambi on October 09, 2007, 05:21:02 PM
I want and like to remain....".bulak na lang"  even old na but still trying to bloom, kapoy buyog man- magsigi ug lupad2x ug paniba sa katam-is sa bulak, unya kon mahurot na iyang matam-is nga dugos biya-an ni buyog kay mangita napod ug laing sweet nga bulak.  Haaay.....buyog!

Mike is an exemption to these kind of buyogs.....Doy, spread your wings kay nagpa-abot na  gayod ang imong matam-is nga bulak diin nangalimyon na sa kahumot kay nahidlaw sa imong mainitong tsup.....tsup... :-* :-*
Title: Re: Ako Ang Buyog Sa Imong Pagkabulak
Post by: bulak on October 09, 2007, 05:33:33 PM

Go Ginger! ...Ayaw pakatulga ang kagahapon kay  nagpabilin gihapon kine og mga lama! sa mga handumanan nga maoy mapakli nato sa pag abot sa panahon...Tinood sakit man tuod nga atong balik- balikan ang mga sakit nga kagahapon apan hinaot nga magmalig-on gihapon kita og himoon kine natong sumdanan aron mudus -og pa kita sa unahan....weeeeeeeeeeeee ;)
Title: Re: Ako Ang Buyog Sa Imong Pagkabulak
Post by: Ligalig-Mike on October 09, 2007, 07:10:36 PM

Di matabang ni si Bulak. Mga hagkot nga pulong nga gihukad gikan sa kinauyokan sa alimpatakan ug balatian. :)
Title: Re: Ako Ang Buyog Sa Imong Pagkabulak
Post by: bulak on October 09, 2007, 10:35:01 PM

Hahahaha mas labaw  ang imoha  Mike! naglisod nako og sabot sa hagkot,,,hehehehe..basin magsalbabida nata ani kay dile na nato matug-kad ang matag pulong tungod sa ka lawom...
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal