normal_post - "Ug Ang Mga Angheles ug Serapines Miingon Santo, Santo" - Pulong Bisaya Author Topic: "Ug Ang Mga Angheles ug Serapines Miingon Santo, Santo"  (Read 2141 times)

Ligalig-Mike

  • FOUNDER
  • GURU
  • *****
  • avatar_1_1507939928 - "Ug Ang Mga Angheles ug Serapines Miingon Santo, Santo" - Pulong Bisaya
  • Posts: 18912
  • medal1 - "Ug Ang Mga Angheles ug Serapines Miingon Santo, Santo" - Pulong Bisayamedal2 - "Ug Ang Mga Angheles ug Serapines Miingon Santo, Santo" - Pulong Bisaya
  • Need A Website? Email me: info@mikeligalig.com
    • Share Post
xx - "Ug Ang Mga Angheles ug Serapines Miingon Santo, Santo" - Pulong Bisaya
"Ug Ang Mga Angheles ug Serapines Miingon Santo, Santo"
« on: September 13, 2007, 08:28:31 AM »
"Ug Ang Mga Angheles ug Serapines Miingon Santo, Santo"
gisulat ni mike ligalig

(for my mother and for my sister)

Miluhod si Mama
Miluhod akong manghod
Miluhod sab ko
Magpayong ba ta ani?
Namaak ang adlaw
Dagkoti sa nang kandila
Asa na tong posporo?
Sampongi, sampongi
Tan-awa, napawong hinuon
Ayaw irog-iroga nang lata
Mayabo nang tubig
Malawos ang mga bulak
Pinangayo ra ba na
Ma, ang supas giamigas na
Dalia ra sab nakamatikod
Ang biko napan-os na ni
Naa pa bay nabilin sa kaha?
Kaonon ra nang pagkaon
Sa inyong magulang unya
Unya, mabusog pud si Jun-jun, Ma?
Ah, simhoton lang na
Agay! Gipaak kog amigas!
Ayaw paglangas diha, Abing!
Ma, gipaningot akong likod
Naay labakara sa bag, trapohi
Oy, napalong na pud ang kandela!
Asa na tong posporo?
Abing, ayaw lagi dulai nang kandela!
Masuko na gyud ni si Mama
Oy, nganong milingkod man ka?
Hala, luhod, luhod ug balik
Mangluod inyong magulang
Luhod balik, Bing, hoy
Padamgohon gani ka ni Jun-jun
Ayaw namo pagtabi
Matugaw mga silingang lubong
Ma, kaihion kono si Abing
Didto lang likod sa kapilya
Ma, naa kahay gamba diri?
Pamung napud ug gamba
Aron latoson napud ka sa imong Papa
Bing, asa na tong akong tubig?
Giuhaw ko, Ma
Ayawg inom, wa ka pa kapaniudto
Makapasmo na, unya nalang
Sima-sima sa ug supas
Ma, moadto nalang ta ila Gonda
Palit ta sikwate ug bibingka
Ganina ra tong buntag nahurot
Didto nalang ta sa merkado, Ma
Mahal didto, mamauli ta
Daghan pa tong bahaw sa balay
Tua pay tinughong nabilin ganina
Asa na tong nobenahan
Giluklok ni Abing sa tsinelas, Ma
Pilpilon ko man nang kamot nimo
Sige, pagpuyo na mo
Bing, ikaw nalay hawid sa pajong
Ug ikaw ra diay?!
Ma, di mohawid si Abing sa pajong
Ikaw nalang
Bing, ikaw nalang sampong sa kandela
Di ko init, wa man maghangin
Mokalit ra ni ug huros unja
Gutom na jud, Ma
Ako pud, Ma
Naa pay patatas ug mamon sa bag
Wa may lami ug way gatas
Oi, Baking, nganong nipungko man ka?
Sakit akong hawak, Ma
Pahiluna na mo mga anak
Mag-ampo na ta
"Ay miagi na kami
Nianang walog nga luhaan..."
Abing, ayaw lagi dulai nang kandila!
Ako lang gitapok ang nalanay
Himuon natong floorwax, Ma
Mura pug kugihan manglampaso
Di gani manghugas ug plato
"Ay miagi na kami
Nianang walog nga luhaan..."
Ma, murag naay labod mikamang
Dili na mamaak, ayaw pislata
Ma, napalong na pud ang kandela
Asa na tong posporo?
Hala, usa na ka bilog ang nabilin
Ma, katol akong likod
Ipakalot ni Abing
Di ko, nangaway na sija naho
Kay ikaw mam poy manguna!
Kay nanguna ba diay ko?!
Ajaw pagbinatod, ikaw bitaw
Pssstt, hilom na mo, mga anak
Respeto mo sa inyong igsuon
Makadungog pa ba si Jun-jun, Ma?
Maminaw ra na sila
Tua na ba sa langit si Jun-jun, Ma?
Mag-ampo na ta, anak
"Ay, miagi na kami
Nianang walog nga luhaan..."
Ma, manakop kog alindanaw
Paghilom lagi
Hala, sabat, sabat
Iyawat kaluy-an ta sa Ginoo
Moapas ba si Papa, Ma?
Duty pa sa munisipyo
Hubog na pud to mopauli, Ma?
Maayo lang unta ug wa katagay
"Ay, miagi na kami
Nianang walog nga luhaan...
Ug ang mga angheles ug serapines
Miingon santo, santo..."

Linkback: https://tubagbohol.mikeligalig.com/index.php?topic=4475.0
Romans 10:9
"That if you shall confess with your mouth the Lord Jesus, and shall believe in your heart that God has raised him from the dead, you shall be saved."

Get FREE 500GB cloud storage:
https://www.pcloud.com/welcome-to-pcloud/?discountcode=fDiE7jtC01VPbCIygaM67jZV

Bambi

  • GURU
  • ****
  • avatar_375_1353877539 - "Ug Ang Mga Angheles ug Serapines Miingon Santo, Santo" - Pulong Bisaya
  • Posts: 7295
  • medal1 - "Ug Ang Mga Angheles ug Serapines Miingon Santo, Santo" - Pulong Bisaya
  • Life is hard but a perfect dream to live on....
    • Share Post
xx - "Ug Ang Mga Angheles ug Serapines Miingon Santo, Santo" - Pulong Bisaya
Re: "Ug Ang Mga Angheles ug Serapines Miingon Santo, Santo"
« Reply #1 on: September 13, 2007, 08:40:27 AM »
Oh....Mike this is a very sentimental Poem.  Nakahilak ko kay nahinumdom ko sa akong Papa nga maka-duaw lang ako kon maka-uli ra intawon.  Pero adi-a siya sa akong kasing-kasing, nagpabilin siyang buhi sa handumanan sa iyang mga maayong pag-amuma kanamo ug ang tanan nga iyang mga maayong binuhatan nga dili gayod nako makalimtan hangtod sa akong pagpanaw usab niining kalibutan.

Ligalig-Mike

  • FOUNDER
  • GURU
  • *****
  • avatar_1_1507939928 - "Ug Ang Mga Angheles ug Serapines Miingon Santo, Santo" - Pulong Bisaya
  • Posts: 18912
  • medal1 - "Ug Ang Mga Angheles ug Serapines Miingon Santo, Santo" - Pulong Bisayamedal2 - "Ug Ang Mga Angheles ug Serapines Miingon Santo, Santo" - Pulong Bisaya
  • Need A Website? Email me: info@mikeligalig.com
    • Share Post
xx - "Ug Ang Mga Angheles ug Serapines Miingon Santo, Santo" - Pulong Bisaya
Re: "Ug Ang Mga Angheles ug Serapines Miingon Santo, Santo"
« Reply #2 on: September 13, 2007, 08:43:48 AM »
Hi Bambi,

Our parents are God's gift to us.

This poem is dedicated to my mother and my sister. I also wrote it in memory of my dead brother.


Bambi

  • GURU
  • ****
  • avatar_375_1353877539 - "Ug Ang Mga Angheles ug Serapines Miingon Santo, Santo" - Pulong Bisaya
  • Posts: 7295
  • medal1 - "Ug Ang Mga Angheles ug Serapines Miingon Santo, Santo" - Pulong Bisaya
  • Life is hard but a perfect dream to live on....
    • Share Post
xx - "Ug Ang Mga Angheles ug Serapines Miingon Santo, Santo" - Pulong Bisaya
Re: "Ug Ang Mga Angheles ug Serapines Miingon Santo, Santo"
« Reply #3 on: September 13, 2007, 08:51:59 AM »
Thanks for the poem!

I must have to go to bed.....it is already 2:50 after mednight diri.  GUTE NACHT!  Hear you and take care!

hazel

  • Guest
xx - "Ug Ang Mga Angheles ug Serapines Miingon Santo, Santo" - Pulong Bisaya
Re: "Ug Ang Mga Angheles ug Serapines Miingon Santo, Santo"
« Reply #4 on: September 18, 2007, 04:40:10 AM »

Gi hangos man ko nga basa oi, abi naku gi ataki naku sa asthma.

It's beautiful, Mike.

Ligalig-Mike

  • FOUNDER
  • GURU
  • *****
  • avatar_1_1507939928 - "Ug Ang Mga Angheles ug Serapines Miingon Santo, Santo" - Pulong Bisaya
  • Posts: 18912
  • medal1 - "Ug Ang Mga Angheles ug Serapines Miingon Santo, Santo" - Pulong Bisayamedal2 - "Ug Ang Mga Angheles ug Serapines Miingon Santo, Santo" - Pulong Bisaya
  • Need A Website? Email me: info@mikeligalig.com
    • Share Post
xx - "Ug Ang Mga Angheles ug Serapines Miingon Santo, Santo" - Pulong Bisaya
Re: "Ug Ang Mga Angheles ug Serapines Miingon Santo, Santo"
« Reply #5 on: September 22, 2007, 07:15:30 AM »

Sigbin, paimna palihug ug tubig si Ginger.  8)



Share via facebook Share via linkedin Share via pinterest Share via reddit Share via twitter
 

SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal