Ni Kavier Yntigos Tampulatoy Pikolitog
Tungod sa sala nilang Eba ug Adan, gihinginlan sila sa Ginoo. Dili na sila papuy-on sa Paraiso. Busa, naghimo ang Magbubuhat og kalibotan nga mao nay ilang puy-an. Kun wala lang sila magpatental sa bitin, kun wala lang sila mokaon sa gidiling prutas sa Paraiso, tingali wala untay kalibotan karon. Atua ra unta sila sa langit. Apan kay misupak man sila sa gibaod sa Ginoo, mao kadtong gipalayas sila ug giingnan: “Come to the world and multiply!â€
Tuod man, nanaghan ta. Apan unsa ba gyu’y tumong sa Ginoo nga nagbuhat man siya’g kalibotan? Ug nganong ania man ta dinhi niining kalibotana? Unsa bay atong misyon? Anaa ba, o wala?
Usa ray tubag niini. Tungod sa dakong gugma, gihimoan ta’g kalibotan sa Ginoo. Gihatagan ta Niya’g chance sa pagpili: “Mokuyog ba ta sa y*&^%, o mobalik sa paraiso?
Magpatental ba ta sa malinglahong bitin sama sa gidangatan sa una tang ginikanan, o hugot tang sundon ang mga sugo sa Ginoo? Sa laktod, hain ato: Magpabilin ba tang makasasala, o biyaan nato ang sala? Moadto ba ta sa impiyerno, o mobalik ta’g sulod sa langit? Ania sa madanglog nga kalibotan ang maong dalan nga pilian ta sa pagsubay -- ang dalan paingon sa kasakit nga wala’y kataposan ug ang dalan padulong sa kalipay’ng dayon.
Magpasalamat ta nga gihatagan pa ta’g kahigayonan sa Kahitas-an nga makaadto sa iyang Paraiso, ang matahom nga dapit nga gibiyaan sa una tang mga ginikanan. Apan unsa bay gipili sa katawhan samtang nagpuyo dinhi sa kalibotan?
Ang pagpangurakot. Ang pagpanglimbong. Ang pagpanglupig. Ang pagpaulipon sa kalibotanong gahom ug bahandi. Sugal, babaye, alak, drugas ug daghan pang matang sa mga daotang bisyo kang kansang matang sa kalipay matapos lamang sulod sa hamubo nga panahon.
Wa ka ba mahibulong nga bisa’g unsang matanga sa kalipay nga mapalit sa salapi, di gyud molungtad pagdugay? Malipay man tuod ka, apan mangita ka gihapon niini. Kini tungod kay tanang kalipay nga matagamtam ta dinhi sa kalibotan lumalabay lamang. Lakip na ang mga bagyo sa kinabuhi nga mokusokuso nato moagi lamang. Ug kita, tawo, mahanaw lang usab niining kalibotana. Ngano?
It’s because all lives here on earth are just temporary. What is permanent is the next life after death. This is the reason why God gives us a chance to choose which of the two acts and deeds to follow. The good, or the bad ones? The Lord’s commandments or Satan’s?
Gihatagan ta Niya’g igong kahigayonan sa pag-andam sa usa’g-usa nato ka kaugalingon alang sa sunod ug sa mahimo na natong permanenteng kinabuhi, diin tulo ra ka lugar ang atong padulngan. Ang langit, purgaturiyo ug impiyerno.
Ang ‘masamang damo’ mahipunta sa impiyerno. Ang mga buotan deretso sa langit. Samtang ang mga alanganin adto ibutang sa purgatoriyo. Anaa ra gyud nato asa ini atong gusto?
Ang kalibotan diay maora’g entablado nga ang mga contestants, kita! Kutob sa unsay atong buhaton, dili ni makaipsot sa mga mata sa Ginoo. Nakarekord ni didto sa Iyang Book of Life nga gitipigan sa iyang sekretariyo nga si San Pedro.
Kun mobiya na ta sa kalibotan, ukbon sa Ginoo ang maong libro aron tan-awon unsay performance ta dinhi sa yuta. Ug base sa atong mga nabuhat, iya tang hukman.
Chance na ni nato nga maangkon ang kinabuhing dayon ug kalipay nga wala’y kataposan. Busa, dili nato usikan. Sundon nato ang Iyang mga sugo ug mga tunob!
Linkback:
https://tubagbohol.mikeligalig.com/index.php?topic=55428.0
