after man gud sa bagyong Rufing, nahawan ang mga kahoy palibot sa factory nga akong gitrabahoan. ug usa sa building nga made of light materials nahawan pod ang iyang second floor kay gipalid pod sa hangin. usa ka gabii niana mga alas 6 pa seguro to ug nag-ilog pa ang kahayag ug kangitngit inubanan sa paguwan-uwan (taligsik), gitawag mi sa company guard nga didto nagpa antaw sa second floor nga wa na'y atop, ug nagpanglantaw didto sa dili halayo nga unahan nga dakong bakante kasikbit sa lote sa factory.
hawan kaayo kay sa akong tan-aw basakan ni sa una nga makita pa gani nimo ang mga pilapil nga gigamit pang subayanan sa mga lumolopyo nga di ra pod layo didto.
sa pagsanong namo sa tawag sa guard, gitagbo mi niya sa hagdanan nga dili mag saba kay naa daw santilmo. dayon paghitugpa namo sa ikaduhang andana nga naupaw sa kay wa'y puangod sa bagyong ruping nga nikusokuso niini, nisugat sa among panan-awon ang usa nga lingin nga daw kalayo nga di pod kaayo puwa nga naglutaw sa hangin nga sa akong bana-bana taga-hawak ang gihabugon gikan sa yuta.
nahingangha ko's akong nakita ug naglibog kon unsa to. ang nakapasamot sa among kahibong kay murag siya'g gi dribol, mopataas mopaubos pero wa nagpuyo, naglutaw sa hangin nga nagsubay sa pilapil nya inig abot ug pila ka metros mobalik na sab......klaro pa kaayo ang palibot, ug makita kaayo ang pilapil....wa gyuy tawo.....
kon santilmo man kadto or unsa, dili man hadlok pero makalibog....ug dili pod matugkad sa tawhanon kong panimuot.
Linkback:
https://tubagbohol.mikeligalig.com/index.php?topic=47901.0