normal_post - Waray News on Assistance Package to PH Gov't - Philippine Archive Author Topic: Waray News on Assistance Package to PH Gov't  (Read 105 times)

mikeortegaligalig

  • STUDENT
  • *
  • Posts: 435
    • Share Post
clip - Waray News on Assistance Package to PH Gov't - Philippine Archive
Waray News on Assistance Package to PH Gov't
« on: December 15, 2019, 12:57:40 PM »
Waray-Waray News: PNoy nakabalik na tikang han ASEAN Summit nga may dara nga P21-B infrastructure assistance package
Manila (2 November 2010) -- Hi Presidente Benigno Simeon Aquino III in nakabalik na, nga may-ada dara nga pasalubong o panapu-an han aton nasud pina-agi hin infrastructure assistance package nga nakantidad hin por lo minos P21-billion, ini in dara han iya maupay nga pakig-himangraw o diplomatic ties han iba-iba nga mga nasud han Asia-Pacific region.
An Presidente in nakabalik hadton Domingo han gab-i pina-agi han Philippine Airlines flight PR598 tikang han malinampuson nga state visit ngadto ha Socialist Republic of Vietnam nga kon diin hiya in inatendir han 17th Association of Southeast Asian Nations (ASEAN) Summit ngan iba pa nga mga meetings.

Durante han iya pagdatong ha Ninoy Aquino International Airport Centennial Terminal II ha Pasay City, an Presidente in gin-gintapo ngan gin-welcome han Vice President Jejomar Binay ngan iba pa nga mga opisyales han gobyerno, kaupod na hine an mga Secretaries nga hira Transportation and Communications Secretary Jose De Jesus, Health Secretary Enrique Ona, Energy Secretary Jose Rene Almendras, Presidential Adviser on the Peace Process Secretary Teresita Ging Deles, Presidential Communications and Operations Office Secretary Herminio "Sonny" Coloma, Defense Secretary Voltaire Gazmin, Labor Secretary Rosalinda Baldoz, Justice Secretary Leila De Lima, Presidential Spokesperson Edwin Lacierda, Armed Forces Chief Maj. Gen. Ricardo David, Philippine National Police Chief Dir. Gen. Raul Bacalzo, Metro Manila Development Authority Secretary Francis Tolentino and Senior Deputy Executive Secretary Amor Amorado.

Samtang dida han pagpaki-anhi ha iya han mga manmamahayag, an Presidential Communications Development and Strategic Planning Office (PCDSPO) Secretary Ramon Carandang, in nagbaton ngan senering nga ha kabug-osan an kan Presidente Vietnam trip in "malinampuson ngan mabinungahon"

Hi Carandang in nagsering nga labot la han kan Presidente state visit ngadto ha Vietnam ngan han iya pag-atendir han 17th ASEAN Summit, an Presidente Aquino in nakipagkita ngan nakipaghimangraw han mga lideres han mga nasud han Thailand, Myanmar, South Korea, Japan, New Zealand and Australia.

Carandang in nagdugang pa hin pagsering nga an Japanese Prime Minister Naoto Kan in nag-aprubar hin por lo minos P21-billion nga pondo para gamiton han Department of Public Works and Highways (DPWH) road projects.

"Nahibaroan tikang kan Prime Minister Naoto Kan nga an kantidad nga P21-billion assistance package nga pondo para gamiton han Department of Public Works and Highways o (DPWH) para pagpaka-upay han mga kakalsadahan in aprobado na" sering pa ni Carandang.

An Presidente Aquino daman in nag-imbetar han nasud han Brunei ngan South Korea para pumartisipar han Public-Private Partnership conference nga pagbubuhaton dinhi ha Pilipinas tikang hiton November 18 to 19.

An pagbisita han Presidente in nakahatag hin paagi agud makapagpaki-ana hin mga issues and concerns mahitungod han damo nga problema han Asia_Pacific region.

Durante han iya pagbisita, nagin makurukusog an mga relasyones han iba pa nga mga lideres han kalibutan labi na gud an mga regional issues and concerns sugad han South China Sea, regional disaster management, reforms in Myanmar and the weakening US dollar.

"An ASEAN Summit amo adto an oportunidad han mga lideres han mga nasud han Southeast Asia para makig-kiriglala ngan makighimangraw para pag-plano hin maupay agud magka-urusa pagsolbar han mga common issues and concerns" sering han Presidente durante han iya yayakanon han pagdatong

Igindugang pa han Presidente nga durante han iya pag bisita, hiya in nag-witness hin upat nga signing agreements ha butnga han Pilipinas ngan Vietnam partikulamente han academic and defense cooperation, oil spill preparedness and response, and rescue operations at sea.(PIA-E. Samar, translated by: S. Candido)

* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>> http://inv.re/9o3vp



Linkback: https://tubagbohol.mikeligalig.com/index.php?topic=91866.0



Share via facebook Share via linkedin Share via pinterest Share via reddit Share via twitter
 

Sign-up or Log-in Free

 
 
Welcome, Guest. Please login or register.
SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2020, SimplePortal