by Pat Nano
OROQUIETA CITY, Misamis Occidental, January 1 2012 -- Pagsalbar sa maayong kaugmaon sa kabataan sa ilang barangay ang usa sa dakong gilantaw ug gihatagan sa pagtagad sa mga opisyales sa barangay Tabok Borte sakop sa dakbayan sa Oroquieta City.
Kini ang hinungdan nga mipahigayon ang barangay sa usa ka symposium kabahin sa droga bag-ohay ubos sa pagdumala sa mga kadagkuan sa sangguniang kabataan sa nasangpit nga barangay.
Sumala pa ni Kapitan Alfredo Bolleno Jr. nga dugay na kini nilang gilaraw gumikan sa ilang nakita nga adunay nay mga kabataan sa iyang barangay nga nagumon na sa ginadiling druga.
Og kini nga kahimtang ang ilang gilantaw ug gibuhatan sa lakang nga dili na mokuyanap pag-ayo sa ilang barangay pinaagi sa paghatag ug edukasyon sa kabatan-onan sa ilang barangay sa mga kadaot nga ikahatag sa paggamit sa mga ginadiling droga.
Subay niini, gikalipay ni Kapitan Bolleno ang tatawng pagtubag ug reaksyon sa mga kabatan-onan ug mga ginikanan kabahin sa ilang pagpahigayon sa drug symposium diha sa ilang barangay, sanglit nakita nilang mga opisyales sa barangay ang kadasig sa kabatan-onan nga maminaw ug masayod sa mga kasayuran kabahin sa ginadiling druga ug usab ang kadasig sa mga ginikanan sa pagsuporta sa ilang paningkamot alang sa paglikay sa kabatan-onan sa paggamit niini.
Gani gidason ni Tabok Norte SK Chairwoman Janice Aguilo nga adunay mga asawa nga buot usab nilang patambungon usab ang ilang mga bana sa nasangpit nga symposium sa droga aron usab kini masayod ug ma-edukar sa mga kadaot o epekto sa paggamit sa bisan unsang ilegal nga mga droga. (PIO/PIA-10)
* Stay at Home and START YOUR OWN blog site, business or personal website, or e-commerce store at
www.wirenine.comLinkback:
https://tubagbohol.mikeligalig.com/index.php?topic=92536.0
