MikeLigalig.com

Hiligaynon news: Impormasyon sa populasyon sa Iloilo nagapakita pagkinahanglan sa pagmanehar sing maayo
SYUDAD SANG ILOILO, Enero 31 2012 (PIA) -- Ang mga inisyal nga impormasyon sandig sa nakolekta sang Iloilo Population Office nagapakita sang daku nga pagkinahanglan sang pagmanehar sang populasyon agud magsabat sa mga kauswagan nga ginapatigayon sang gobyerno.
Si Provincial Population Officer Ramon C. Yee nagpahayag nga ang mga datus nga ila natipon nagapakita sang isa ka kamatuoran, indi lamang sa probinsya kondi sa bilog man nga pungsod.

“Ini nga realidad nagatawag sang epektibo nga implementasyon sang responsabli nga pagakaginikanan kag pagpalano sang pamilya,” ang siling ni Yee.

Suno kay Yee, may mga natukiban sila nga ang mga pamilya nga manubo sing ginakita, may madamu nga kabataan kag manubo nga lebel sang pagplano sang pamilya, kag ang isa pa amu nga ang mga pamilya nga may manubo nga ginakita, may manubo nga lebel sang edukasyon, may madamu nga kabataan kag manubo nga lebel sang sang pagplano sang pamilya.

Sa pihak nga bahin, ang mga panimalay nga may mataas sang ginakita, mataas ang lebel sang edukasyon, may diutay nga kadamuon sang bata, kag may mataas nga lebel sang pagplano sang pamilya.

Bisan pa nga medyo temprano pa man para maghimu sang konklusyon, sarang na masiling nga ginakinahanglan gid ang pag-edukar sa kadam-an sang mga pumoluyo.

Ginsiling ni Yee nga ang data bank nga ila ginahikot ara na sa proseso sang encoding, cleansing of data, pagtingub kag pag-analisar.

Siling ni Yee nga ang tanan nga 1,721 ka barangay sa puod sang Iloilo na-survey na tanan, nga ginatapu-an sang 237,920 ka pamilya, kag mga 1,193 sini na-encode na.

Ginsiling pa gid ni Yee nga nalipay sia sa pagtukod sining data bank nga ginapaabot nga magasirbe nga palahanungdan para sa mga lokal nga opisyal, labi nag id sa mga barangay, sa paghimo sang ila plano, mga proyekto nga nagasabat sang matuod nga mga kinahanglan sang pumoluyo.

* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>> http://inv.re/9o3vp



Linkback: https://tubagbohol.mikeligalig.com/index.php?topic=92096.0