MikeLigalig.com

Pangasinan News: Dakep na Pangasinan Capitol indayew na bisita nanlapud Mindanao
Nen Danny O Sagun
Dagupan City (02 Nobiembre 2010) -- Nikelkelawan iray bisita nanlapud pigaran lugar ed Mindanao nen anengneng da so karakpan na Kapitolyo nen imbeneg ya agew na Biernes.

"Wow," "Fantastic." Saraya tan arum niran balikas na pankelkelaw so nadngelan ed saray 21 a bisita nanlapud South Cotabato, Saranggani, General Santos City tan Sultan Kudarat nen anengneg da so Kapitolyo tan arum niran impraistruktura ed Pangasinan.

Inkuanen Jenelyn Matondo, chief economic development specialist na General Santos Cit,y ya primero ton akapasyar ed probinsya et nikelawan talaga et anengneng to. "Saya la so sankarakpan ya anengneng ko," inkuanto.

Say grupo so amasyar ed luyag pian naamtaan daray estratehya ya ginawa tan gagawaen na provincial government diad panangidaulo nen Gob. Amado T. Espino, Jr. t apian inabang da met ed saray local government units dimad lugar da.

Inkuanton marakep so inkalira na Kapitolyo tan say mismon vision tan management style na gobernador.

Inyarum to ni ya masuerte ray taga-Pangasinan ta dakel so government hospitals ya man-accomodate ed nanduruman binalebaley aliwan singa diad arum ya lugar a sakey o duara labat so ospital.

Say San Carlos General Hospital ed barangay Bolingit, San Carlos City so manseserbin provincial hospital. Wala met so 13 nin district tan community hospitals ya nitayak ed nanduruman pasen ed luyag.

Pigapigaran grupo la so akapasyar ed Kapitolyo tan inapresya ran maong so dakep tan oksoy to. (PIA Pangasinan)

* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>> http://inv.re/9o3vp



Linkback: https://tubagbohol.mikeligalig.com/index.php?topic=91844.0