Yawan-on Nga Buhatsinulat ni Mike Ortega Ligalig
Nibukal ang akong dugo pagkabasa sa balita sa Philippine Daily Inquirer nga nag-ulohan: Thieves Strike in Bus Tragedy nga napatik niadtong Pebrero 2 karong tuiga. Aron inyong masabtan ang kinatibuk-ang estorya, akong ipatik pag-usab dinhi ang tipik sa balita (gisulat ni Delfin Mallari Jr.):
LUCENA CITY, Quezon, Philippines—Some of the injured passengers of a Manila-bound bus from Bicol that plunged into a ravine in Pagbilao town complained of losing their belongings to thieves.
Jocelyn de Leon recalled that when she regained composure she saw that a man who rushed to the accident site was opening her bag.
“I immediately grabbed my bag. We’re all needing help but some of them wanted to steal our belongings,†she said. She suffered a cut in the forehead.
Nakaseguro ko nga ikaw nga magbasa ani nga balita motaas ang imong blood pressure. Naunsa naman intawon ning ubang mga Pinoy nga mura naman ug mga Barbarian? Mga way atay ug batikon.
Dili ko kasabot sa kinaiya sa ubang tawo nga bisan diha sa katalagman ug pag-antos sa ubang mga tawo makaako pa sila paghuna-huna ug dautan. Mao bitaw pud nga wa ko kasabot sa anak ni Gloria Arroyo panahon sa kalamidad sa bagyong Ondoy kay samtang nangamatay ang mga tawo sa Manila, ang anak ni Gloria nagsige pud ug shopping ug red wine para sa iyang konsumo panahon sa bagyo ug ulan.
Kining nahitabo sa Quezon province dili napud kaayo nako ikakurat kay may susamang panghitabo ang nasinati sa igsuon sa akong lola didto sa Agusan del Norte mga baynte ka tuig na ang nakalabay. Ang akong mga paryente sa Butuan City mangomprahay to sila ug bugas. Usa ka adlaw niana, nadisgrasya ang truck nga ilang gisakyan sa bugas ug apil sila tanan kahagbong sa truck ngadto sa usa ka bung-aw daplin sa kalsada.
Nidugok ang daghang mga tawo.
Nagtulo ang luha sa akong lola kay samtang sila nagkadugo ug nagping-it sa kasakit ug naningkamot nga makalingkawas ilawom sa nabalintong nga sakyanan, nagkapoliki pud ang mga tawo paghakot sa nagpasad nga mga sako sa bugas nga ilang giangkat ug bag-o lang gipagaling.
Wala na nila igsapayan nga maalkanse sa negosyo, basta lang nga maluwas sila ug madala gilayon sa hospital. Pero wala gyoy nitabang nila niadtong higayona. Ang mga tawo nanghinan-aw lang samtang nagsangkiig sila ug hakot sa sinako nga mga bugas. (Kaniadto akong lola mobyahe to sila ug pinakamenus dosyentos ka kasako nga ginaling humay).
Wa kaha butdi ug tiyan tong mga tawhana nga nikaon sa bugas nga kinawat?
Naa ra ba poy gipatuo ang simbahan nga ang mga pobre kono moadto ug langit. Dili na tinuod! Ang moadto ug lain kadtong mituo ni Jesus Christ isip anak sa Diyos ug misunod ug nagbuhat sa Iyang kabubut-on.
Sa adlaw sa pagpanudya, daghan unyang mga kabos nga Pinoy nga magtingkagol sa impyerno (kung dili maghinulsol sa buhi pa) kay ilang gidebosyon ang yawan-on nga mga buhat.
Linkback:
https://tubagbohol.mikeligalig.com/index.php?topic=37457.0
