DEAR Noy Kulas,
Ako si Ann, nagtrabaho sa usa ka ka kompaniya diri sa Middle East. Hapit na ko mag-napu ka tuig diri sa pagtrabaho. Ang akong bana mao ang nahabilin sa pag-atiman sa among mga anak.
Sa pipila ka tuig nga siya ang nahabilin, maayo pa man kaayo ang iyang pagdala sa mga bata. Nakapaayo mi sa among balay ug maayo ang pagtungha sa among mga anak. Lately, nausab ang dagan sa hangin. Tagsa na lang mi magkaestorya sa internet kay unyag tawag
nako sa balay, wa siya diha kay either toa sa silingan o iyang mga barkada nag-inom.
Nisulti ang among usa ka anak nga gawas nga magsige og inom ang ilan amahan, nakadungog siya og mga estorya nga nakat-on ni sa paggamit og drugs. Nangutana ko sa akong mga bayaw kon unsa ka tinuod, ni-deny man sila, apil na ang akong mga ugangan.
Kana ra ang akong nahibaw-an at this time. Maglisod ko og confront niya kay dali masuko ang akong bana. Mahadlok ko kon unsa unyay sangpotan kon modako ang among away.
Kay sa pagkatinuod lang, diri sa Middle East daghan ang mga temptation. Bisan medyo midako ko, daghan ang nanguyab nako diri. Usa nako ka officemate nga Arabo way undang sa pagsige og panguyab nako bisan sige ko og balibad.
Worried ko nga magkadugay mawagtang ang akong love sa akong bana. Nagkalahi na ang iyang tinagdan nako gud. Lahi kaayo sa una. Wa siya siya kasabot sa kamingaw ug grabeng sakripisyo nako diri. Unsa man kaha ang akong buhaton ani, Noy Kulas? Please tambagi tawon ko.
ANN
Ann,
Kon ang usa ka haligi sa balay nagkagabok na, maayo ba diay nga isakripisyo ang tibuok balay pinaagi sa pagguba niini? O ayuhon ang haliging nagkagabok aron di kini matumpag? Di ba palig-unan man ang haligi inay gub-on ang balay? Mao sab na sa kaminyuon. Kon dunay usa ka haligi nga huyang na, ayuhon kini aron malig-on og balik.
Busa, talk to your husband sa imong nahibaw-an labot niya. Kana bang estorya sa mga asawa nga kalma, kanang di paninghag. Women are good communicators baya kay namong mga lalake. Mas maayo mong modala og estorya busa estoryahe siya kay sa imong iluom ang imong gibati hangtod nga maguba ang inyong kaminyuon. Kon tugbangan nimo ang gibuhat sa imong bana karon, maguba ang inyong pagpuyo.
Dunay time nga ang problema sa earlier stage matabang pa og estorya. Communication pa ang imong gikinahanglan at this time aron ma-fix ang problema. Pagpatabang usab sa imong in-laws aron matambagan ba. But at the same time, ipa-monitor sa imong mga anak ang imong bana aron di masikwati ang imong kinitaan nga ipadala diri. Lisod na kon hasta ang kwarta alang sa pagtungha ug panginahanglan sa imong pamilya diri masikwati
sab tungod sa bisyo. Likayi na. Pangitaig paagi.
Ayaw pag-entertain anang tawhana nga nagsige og panguyab nimo kay maora kag nagkuhag martilyo aron idukdok sa imong ulo. Most of all, pag-ampo og maayo sa Ginuo aron ka hatagan og kaisog sa kaugalingon ug kahayag sa panghuna-huna.
NOY KULAS
sors:
http://www.sunstar.com.ph/superbalita-cebu/kalingawan/2013/02/04/tambagi-ko-noy-kulas-miliko-ang-bana-266460Linkback:
https://tubagbohol.mikeligalig.com/index.php?topic=66591.0
