GRABENG binukbokay ang nasaksihan, tumba si Australian Vic “The Raging Bull†Darchinyan, natumba sab si ALA boy Z “The Dream†Gorres unya nasagulan pa gyud og binatoay.
Ang resulta – kontrobersyal nga split draw ang desisyon sa ilang away kagabii sa main event sa “Now or Never†boxing promotion sa Waterfront Hotel sa Lahug, Cebu City.
Ang usa ka judge nipadaog kang Gorres, 113-112, unya ang usa kang Darchinyan, 114-112, samtang ang ikatulo nitabla sa away, 113-113.
Sa 1st round, tatawng nadakin-as si Gorres sa dihang nagkasangit ang ilang tiil ni Darchinyan apan ang referee nga si Lance Revill sa New Zealand nimando nga usa kini ka knockdown.
Puwerteng supaka sa naghuot nga mga dumadapig ni Gorres ug nagsugod na ang binatoay’g mga mineral water nga aduna pa gyu’y sulod.
Sa 2nd round, gitumba ni Gorres si Darchinyan pinaagi sa right hook.
Hinuon nakabangon ra si Darchinyan ug nakabawos sab kini pagtumba kang Gorres sa 9th round pinaagi sa left hook.
Taliwala sa ilang away, adunay mga round nga nabarag si Gorres unya aduna say mga round nga nabarag sab si Darchinyan.
Si Gorres adunay 27-2-2, 15 KOs nga rekord samtang si Darchinyan adunay 29-1-1, 23 KOs. (ESL)
Linkback: https://tubagbohol.mikeligalig.com/index.php?topic=9161.0
