By Brigada Editors | June 17, 2013 | GenSan Edition
PADAYON nga gina-obserbahan sa mga mananambal ang usa ka babaye nga inmate sa South Cotabato Provincial Jail and Rehabilitation Center sa Koronadal City tungod matud pa sa dili ordinaryong balatian niini.
Sa nakuhang impormasyon sa 95.7 Brigada News FM Koronadal, ang inmate naila nga si Blessy Pangcol, 59-anyos, taga Cebu City nga nagatubang ug kasong estafa. Gipahayag sa igsoon niini nga posibleng “gidaut†kini mao nga dili angayan dad-on sa ospital.
Miapela matud pa kini sa mga jail guard nga dili kini pagadad-on sa ospital tungod posible nga mabugtoan kini sa kabuhi.
Nasayran nga daghang kinarwasan ang tiyan ni Pangcol ug adunay alambre matud pa nga nagagawas sa sampot niini.
Gisulayan sigon pa nga bunloton kini sa pila ka health worker sa naasoy nga jail apan naglisod sila kay nag-ungot kini sa iyang tiyan samtang mibati si Pangcol ug tukmang kasakit.
Tungod niini mipirma na lamang ug waiver ang maong inmate kung asa mideklara kini nga dili siya magpadala sa ospital.
Si Pangcol napreso human gipasakaan ug kasong estafa human nangilad ug nagtakuban nga Santo Niño dihang nangangayo ug kwarta sa usa ka pamilya nga iyang gipatuo nga may diamond sa ilahang balay. (Girlie Narciso-Solis)
Linkback:
https://tubagbohol.mikeligalig.com/index.php?topic=79769.0