Booking.com

Author Topic: Mga pulis sa Tagbilaran gipamusil sa drug pusher: 3 angol, 1 patay  (Read 688 times)

hubag bohol

  • AMBASSADOR
  • THE SOURCE
  • *****
  • Posts: 88342
  • "Better to remain silent and be thought a fool...
SuperBalita Cebu
Ni Guam P. Logroño
Saturday, August 23, 2014


USA ka pulis namatay samtang tulo niya ka mga kauban nangaangol, usa niini kritikal, dihang sila gipamusil sa usa ka notadong drug pusher sa ilang pagresponde sa usa ka pot session sulod sa usa ka balay sa Sitio Ubos, Barangay Poblacion 1, dakbayan sa Tagbilaran, Bohol kagahapon sa alas 9:30 sa buntag.

Ang mga pulis nga nangresponde mga bag-o pa sa katungdanan ug nagranggo og police officer 1 nga klarong kuwang pa sa kasinatian.

Namatay sa tambalanan si PO1 Michael June Ejoc, sakop sa Provincial Intelligence Branch (PIB) ug Provincial Anti-Illegal Drugs Special Operation Task Force (PAIDSOTF) sa Bohol Provincial Police Office (BPPO) human naigo sa ulo.

Nangaangol sila si PO1 Reynan Tagotongan, PO1 Carlito Gamelo, ug PO2 Judito Jasmin nga nangaigo sa ulo, liog ug kalawasan.

Si Tagotongan naa sa kritikal nga kondisyon sa pagsuwat ning taho tungod sa pagkaigo sa iyang wala nga mata sa bala.
...than to speak out and remove all doubt." - Abraham Lincoln


hubag bohol

  • AMBASSADOR
  • THE SOURCE
  • *****
  • Posts: 88342
  • "Better to remain silent and be thought a fool...
Re: Mga pulis sa Tagbilaran gipamusil sa drug pusher: 3 angol, 1 patay
« Reply #1 on: August 23, 2014, 08:31:29 PM »
Si Supt. Paul Labra II, hepe sa Regional Intelligence Division (RID 7) sa Police Regional Office niingon nga sila si Ejoc ug mga kauban ningresponde sa taho nga dunay nagpadayong pot session sa lugar.

Wa maglangay ang mga biktima, dali nga niadto sa lugar, apan wa pa gani sila makasulod sa target nga balay diin didto sa sulod ang drug personality nga nailang si Benjun Tari, gipamusil na sila niini.

Unang naigo si Ejoc nga diha sa pultahan dayon gisunod sa pagpamusil ang iyang tulo ka mga kauban.

Laing duha ka mga kauban nila ni Ejoc nga diha ra sa duol sa balay nga gama sa light materials gikapinusilay pa ni Tari sa wa pa siya makasibat nga nagtakiang.

Ang mga residente sa lugar ug ang laing duha ka mga pulis maoy ningtabang sa pagdala niini sa pribado ug pampublikong tambalanana sa Tagbilaran, apan wa magdugay namatay si Ejoc.

Nakuha sa kapulisan ang motorsiklong gisakyan ug drugas nga wa pa mahibaw-i pila ang balor.
...than to speak out and remove all doubt." - Abraham Lincoln

hubag bohol

  • AMBASSADOR
  • THE SOURCE
  • *****
  • Posts: 88342
  • "Better to remain silent and be thought a fool...
Re: Mga pulis sa Tagbilaran gipamusil sa drug pusher: 3 angol, 1 patay
« Reply #2 on: August 23, 2014, 08:33:12 PM »
Si Supt. Joey Yape, public information officer ug Police Community Relation (PCR) chief sa BPPO nga nahinabi sa Sun.Star Superbalita, nagkanayon nga luwas na sa makuyaw nga kahimtang sila si Jasmin ug Gamelo.

Si Jasmin samdan sa tingkoy samtang si Gamelo natapsingan sa ulo.

Si Tagotongan ipaubos sa operasyon human napisok sa bala ang walang mata.

Gibutyag ni Yape nga nasikop ang tag-iya sa balay nga si Belinda Tesorero, 34, dalaga.

Siya nidugang nga mga alas 12:48 sa udto kagahapong adlawa namatay si Ejoc.

Si Yape nitug-an nga pag-abot sa lugar, ningtuktok sa balay ni Tesorero si Ejoc.

Nigawas si Tesorero nga nakig-estroya sa tropa apan kalit nga namusil si Tari sa mga pulis hinungdan sa pagkaigo sa mga pulis.
...than to speak out and remove all doubt." - Abraham Lincoln

hubag bohol

  • AMBASSADOR
  • THE SOURCE
  • *****
  • Posts: 88342
  • "Better to remain silent and be thought a fool...
Re: Mga pulis sa Tagbilaran gipamusil sa drug pusher: 3 angol, 1 patay
« Reply #3 on: August 23, 2014, 08:33:39 PM »
Ang mga kauban sa upat nakabawos, apan ma­kadiyot lang ang pinusilay ug nakasibat si Tari nga sakay sa usa ka traysikol.

Dunay nakasulti nga naigo kay nagtakiang, apan way dugo nga nakita, dugang ni Yape.

Gisubay pa nila sa pagkakaron ang background ni Tari nga way klarong address diha sa ilang lugar.

Inisyal nila nga nakuha dunay mga kasong murder ug uban pa.

Si Labra niingon nga sa mga anti drug operation gikinahanglan nga mag-alerto sanglit sagad sa ilang mga target mga armado.

Alang kaniya nga sa matag drug operation gikinahanglan nga dunay insaktong briefing samtang ang mga pulis kinahanglang kompleto sa mga gamit, sama sa mga bullet resistant vest.

Sa pagkakaron, di pa sila makaingon nga dunay lapso ang operasyon sanglit nagpadayon pa ang imbestigasyon ug hot pursuit operation.
...than to speak out and remove all doubt." - Abraham Lincoln

 

Mobile View
SimplePortal 2.3.6 © 2008-2014, SimplePortal