Last Friday, nag kilaw mi ug tangigi, nag sugba ug indangan ug nag sabaw ug halaan. Barato ra dire ang isda ug mao pa pag diskarga. Ang mga tao dire dili man kaayo mangaon ug isda, mao nga mga pinoy ra ang mo daug-daug sa isda.
Among kauban mga taga Loon nga mekaniko. Mga apilido ug Zuasola, Pizaras, Labonite, Libadisos, Garate ug Pastor. Basta gahi pa sa nilugaw ang mga sinultihan.
Buing man ka Macky oi "gahi pa sa nilugaw"!
Siguro gahi pa sa bat sa hunasan.
Bitaw kanang inyong mga kaagi nga mamaligya ug botelya ug uban pa, nakaagi intawon ko ana. Ang ako naagian mamaligya ug botelya, plastic, aluminum, lata, tingga, ug bato kanang giingon ni Ate Ging. Like Amy, tigpanginhas pod ko adtong ming-undang ko ug eskwela human pag graduate nako ug elementary kay gusto nako sa UB kay sunod footsteps ni Ate Ging ug gusto ni Mommy sa Manga High School ra. Hehehhe mao to amo deal nga iya ko paundang for 1 year unya sunod tuig makaeskwela ko sa UB.
While wala ko gaeskuwela, mao na ako mga naaigian sa kinabuhi. Ang ako mga kininhasan, baligya nako sa merkado sa Manga. Usahay pod ug tingtimpo ug bulinaw, mansi, tulakhang, ug sapayan, mang-angkat ko or utangon ug isuroy nako sa Tiptip, Lindaville, Ubujan ug Taloto. Ug naa ko mga aninikad nga mga buto ug dagko kaayo, magbagtas ko gikan sa Manga agi Ubujan, Taloto hangtud sa Tagbilaran ihatud nako sa ako lolo sa Macar's Shop duol sa Ice Plant kay iya man tawon paborito ang aninikad.
Ang kalami ug magsuroy ug isda kay inig-uli kung mahurot na akong paninda, heheheh mohapit ko mamayabas hangtud mapuno akong basket. Ang ako lang kahadlokan ug manuroy ug isda, kanang agukdon ug iro.
Kalooy sa Diyos wa man pod ko mapaaki.
Hayy buhay! Kalami iuli napod ug utro!
Linkback:
https://tubagbohol.mikeligalig.com/index.php?topic=12219.0