Davao Public Safety Center nakig-alayon sa Interpol
Nakig-alayon ang Davao City Public Safety and Security Command Center ngadto sa International Criminal Police Organization (Interpol) sa tinguha nga mapahugtan pa ang seguridad sa lugar subay sa nahitabong pagpamomba Roxas night market niadtong Setyembre 2 diin 15 ka mga tawo ang namatay samtang 69 ang samaran.
Matud ni Retired General Benito de Leon, hepe sa PSSCC nga ang Davao City maoy unang local government unit sa nasud nga nakig-alayon ngadto sa Interpol.
Gidugang ni de Leon nga makatabang ang maong lakang sa intelligence monitoring sa mga lawless groups ingon man sa ilang mga kalihukan.
Giklaro ni de Leon nga ang ilang pakig-alayon ngadto sa Interpol, wa nagpasabot nga ilang gimonitor ang kalambigitan sa mga international terrorist group sa nahitabong pagpamomba sa Davao.
Usa ka France-based organization ang Interpol nga gilangkuban sa 190 ka mga miyembro nga nasud diin ilang trabaho mao ang pagsiguro sa kaluwasan sa publiko, pagbatok sa terorismo, krimen, drug trafficking, money laundering ug uban pa.
https://www.facebook.com/note.php?note_id=1246257638759089 Linkback:
https://tubagbohol.mikeligalig.com/index.php?topic=82797.0