MikeLigalig.com

19 ka biktima sa pagpamomba nagpabilin sa tambalanan

Nagpabilin ang 19 gikan sa 69 nga nasamaran sa 16 nga nagkalain laing tambalanan sa Davao City, Setymebre 14, dose ka adlaw human
ang pagpamomba didto sa Roxas night market.

Base sa rekord sa City Social Services and Development (CSSDO), pulo gikan sa 19 nga samaran  ang ginatambalan didto sa Southern Philippine Medical Center (SPMC). Samtang usa ang nagpabilin sa Davao Doctors Hospital, duha sa Davao Medical School Foundation (DMSF), ug lima sa San Pedro Hospital.

Labing menos sa 15 katawo ang namatay sa pagpamomba kaniadtong Setyembre 3. Ang pinaka-ulahing namatay ang unum ka bulan nga mabdos nga si Vicenta Asperin.

Lakip sa 19 nga samaran, si Julius Gallardo ra ang nagpabilin sa Intensive Care Unit (ICU) sa SPMC samtang ang uban gibalhin na ngadto sa pribado nga mga lawak.

Laing biktima nga si Junaib Usman ang bag-o lang miagi sa operasyon sa tinai ug nabalhin ngadto sa usa ka pribado nga lawak sa Ricardo Limso Hospital para malikayan exposure sa uban pang sakit.

Matud ni CSSDO chief Ma. Luisa Bermudo nga ang City Government sa Davao magpadayon sa paghatag ug pinansyal nga tabang ngadto sa mga biktima. Ang hospital watchers hatagan usab ug allowance alang 20 ka adlaw.

Miingon sab si Bermudo nga ang mga bayrunon ug uban pang galastohan abagahon sa Philippine Charity Sweepstakes Office.

Linkback: https://tubagbohol.mikeligalig.com/index.php?topic=82798.0