travel insurance protection insured trip abroad security

Author Topic: Super suroy: Mabugnawng dapit sa summer anaa sa Carcar  (Read 1044 times)

hubag bohol

  • AMBASSADOR
  • THE SOURCE
  • *****
  • Posts: 88405
  • "Better to remain silent and be thought a fool...
Super suroy: Mabugnawng dapit sa summer anaa sa Carcar
« on: April 13, 2015, 01:29:56 PM »
SUPERBALITA-CEBU
SHEILA C. GRAVINEZ



Mainit-mabugnao Spring. Kon tinguha ni­mo nga magpa­­bugnaw karong summer nunot sa naglagiting nga kai­nit nga imong nasinati, bisitaha ang Guadalupe Mainit-Mabugnao National Park. (Alan Tangcawan)


SUMMER na usab. Mas ning-init ang panahon karon.

Ang mga tawo nangitag mga pagkaon ug lugar nga makapabugnaw sa ilang lawas gumikan sa kaalimot ug kainit sa panahon.

Gusto ka ba magpabugnaw nga di na kinahanglan motabok og isla ug ma-enjoy ang kaanindot sa talan-awon sa palibot ug ma-relax ang imong pamati?

Manuroy ug mangaligo ta sa Guadalupe Mainit- Mabugnao National Park sa Barangay Guadalupe, dakbayan sa Carcar.

Kini nasud sa protected area nga 57.50 ek­tarya nga luna nga nag-uko­par sa watershed forest reserve sa central Mantalongon mountain range ug gipalibotan sa nagkadaiyang klase sa mga kahoy.

Makita sa lugar ang mga kahoy nga mahogany, tugas, pangantulon, gmelina ug uban pa.
...than to speak out and remove all doubt." - Abraham Lincoln


hubag bohol

  • AMBASSADOR
  • THE SOURCE
  • *****
  • Posts: 88405
  • "Better to remain silent and be thought a fool...
Re: Super suroy: Mabugnawng dapit sa summer anaa sa Carcar
« Reply #1 on: April 13, 2015, 01:32:33 PM »
Ang dapit gideklarar nga national park niadtong 1972 subay sa Republic Act 6429.

Moabot sa 50 kilometros ang gibana-banang gilay-on niini paingon sa dakbayan sa Sugbo ug kapin sa usa ka kilometro ang gilay-on gikan sa national highway paingon sa kinapusurang bahin sa national park.

Kini gidumala sa Department of Environment and Natural Resources.

Makita sa national park ang tinubdan sa tubig sa Carcar Water District nga maoy gi-supply ngadto sa kabalayan sa dakbayan sa Carcar.

Sa pagtugsaw nimo sa Mabugnao Spring, mabati nimo ang tinuoray nga kabugnaw sa tubig ug samtang ikaw maglangoy, maglingkod o magbarog lang, mogaan ang imong pamati gumikan sa huni sa mga langgam ug ang huyuhoy sa hangin gikan sa mga kahoy.

Adunay cottages sa national park nga tag P100 lang ang abang. Mahimo ka makasugba o magluto sa dapit. Apan kinahanglan nga di ka magpasagad og labay sa imong basura.

Aduna usay mga tindahan sa palibot nga barato lang ang gipamaligya nga pagkaon.

Barato usab ang entrance: P10 sa hamtong, P5 sa estudyante ug P100 sa langyaw.

Ang usa ka tubod, bugnaw ang tubig samtang ang laing tubod giingong init ang tubig.

Si Jerusalina Alejado, 54, caretaker sa Guadalupe Mainit-Mabugnao National Park, nagkanayon base sa estorya sa karaang mga tawo sa lugar nga giingong hinungaw gikan sa bulkan ang tubig sa usa ka bahin sa tubod hinungdan nga init ang tubig niini.

Apan dihang gisuroy kini sa Sun.Star Superbalita, di init ang tubig.

Matod ni Alejado nga ang Mainit spring, maoy kaligoan sa mga tawo nga dunay mga samad ug nuka sa lawas, ug giingong dali kini maayo.

Kon magsakay ka og habalhabal gikan sa Poblacion Proper, P25 ang plite, kon diha lang ka sa eskina paingon sa national park, P10 ang plite.
...than to speak out and remove all doubt." - Abraham Lincoln


hubag bohol

  • AMBASSADOR
  • THE SOURCE
  • *****
  • Posts: 88405
  • "Better to remain silent and be thought a fool...
...than to speak out and remove all doubt." - Abraham Lincoln


 

ESET Antivirus and Internet Security for Mac computers and laptops - Save 25%
Mobile View
SimplePortal 2.3.7 © 2008-2017, SimplePortal