travel insurance protection insured trip abroad security

Author Topic: Mga Awit Sa Banagbanag sa Balay Ni Glacier_71  (Read 77542 times)

Scarb

  • DONOR
  • GURU
  • *****
  • Posts: 8888
  • tHe PoWeR oF Scarabeous
Re: Mga Awit Sa Banagbanag sa Balay Ni Glacier_71
« Reply #160 on: September 01, 2009, 07:17:02 PM »
bitaw sakit jud ang dughan nga naglukapa
pati mata mabuta
mga paa ay malalampa
gumikan sa tawo nga atong gihigugma....

ah ngiga nimo Cat, balak pa loy, bravo Dai ! diay paw oh nyahaha
“Logical consequences are the scarecrows of fools and the beacons of wise men.”~Thomas Henry Huxley~


Scarb

  • DONOR
  • GURU
  • *****
  • Posts: 8888
  • tHe PoWeR oF Scarabeous
Re: Mga Awit Sa Banagbanag sa Balay Ni Glacier_71
« Reply #161 on: September 01, 2009, 07:18:47 PM »
hehehehe. kining tungod sa gugma, blue, bisan lagi og di na halos kaya, kayahon lang.

 sumpay na ba, mabitin man sad ta nmo duh nge yeye
“Logical consequences are the scarecrows of fools and the beacons of wise men.”~Thomas Henry Huxley~


glacier_71

  • DIPLOMAT
  • GURU
  • *****
  • Posts: 9926
  • i expand and live in the sun like corn and melon
Re: Mga Awit Sa Banagbanag sa Balay Ni Glacier_71
« Reply #162 on: September 01, 2009, 07:19:16 PM »
bitaw sakit jud ang dughan nga naglukapa
pati mata mabuta
mga paa ay malalampa
gumikan sa tawo nga atong gihigugma....

hilabon man pod atong dughan aning imong balak, cat
Artificial Intelligence is nothing in comparison to Natural Stupidity.


statesville

  • EXPERT
  • ***
  • Posts: 3339
  • The best daily exercise -- walk with the Lord.
Re: Mga Awit Sa Banagbanag sa Balay Ni Glacier_71
« Reply #163 on: September 02, 2009, 03:55:26 AM »
Glace, mibati mi sa imong kasakit
         kasingkasing mo gipislit
         damgo nangapala
         sama sa lusay gidagsa
         tunob sa kagahapon
         sakit ug tam-is handomon

         Pero sa imong kaambong
         mga babaye nanglipaghong
         nangandoy imong lingion
         bisan na lang imong ngisihon
         sa imong simod nagbudlot
         bagotbot sa kalagot
         Inday Kris ngano?
         gisalikway nimo
         ang gugmang nag-ulbo-ulbo
         morag Mayon volcano

 
Every Christian has GPS -God-Provided Salvation!
It may not guide you to everywhere you want to go in this world, but it will ensure  that you arrive safely in heaven.


glacier_71

  • DIPLOMAT
  • GURU
  • *****
  • Posts: 9926
  • i expand and live in the sun like corn and melon
Re: Mga Awit Sa Banagbanag sa Balay Ni Glacier_71
« Reply #164 on: September 02, 2009, 04:51:20 AM »
Lunes.

Unang adlaw sa kagool human gibutyag ni Kris ang iyang bag-ong hinigugma. Nianang giabii igo na lang tawn ako sa paghandum sa among kagahapon, apan daw nagdumili pa gihapon akong kasingkasing sa pagtoo nga wala na gyud si Kris.

Niadtong panahona, bisan pa's among bag-ong sitwasyon, ok lang gihapon niya nga magkatext kami. Padala kog mga mensahe nga halos puro pagdawat sa kaparutan, bisan tood sa tinood nagsaygit pa akong kasingkasing kung ngano.

Martes.

Dili ko makadawat nga mawala lang si Kris sa gilayon. Gusto ko nga ako siyang makita. Bunga sa kauhaw nga masud-ong ko pagbalik iyang panagway, mi-txt ko niya.

"Kris, pwde ko makabicta nimo s nyong balay?"

"Ngano man?"

"Gus2 lng ko makakta nmo. Bsan karon lng. pwd?

"Ok. Ikaw mag-igo. Anus-a mn ka mongari"

"2morw."

"K"

Gikulbaan ko ug naghinamhinam sa umaabot namong panagkita. Bisan pag nasayod ako nga aduna nay lain nga nakapanag-iya sa kasingkasing ni Kris, aduna pa gihapon akoy gamayng buho nga mahimo ko pang kalutsan aron mahanduraw ko pag-usab ang iyang kaanyag. hahay. Maayo pa man si Tarzan nga bisag lasang iyang gipuy-an, langit man  gihapon iyang gibati kay diha man Jean sa iyang kiliran. Apan ako? Bisan pa tingali unsa kaanindot kining akong nahimutangan, daw sama lang gihapon kini sa usa ka mamingawng lubnganan nga wala na maduaw sulod sa dugay nang panahon.

Akong panghinaut kining gamayng himaya nga masud-ong ko si Kris makabisbis man lang unta yuta ning dughan aron mabuhi og balik king nalaya kong kalag.

Dili gyud madiboho ni bisan kinsang banggiitang pintor kung unsa ang hulagway sa akong kinabuhi niatong panahona. Gubot pas lukot. Itum pas alketran. Baho pas dubok nga isda. Makalolooy pas usa ka baki nga napislat kay giligsan sa mihaguros nga Saint Jude gikan sa Tagbilaran.

Mierkoles.


Artificial Intelligence is nothing in comparison to Natural Stupidity.


statesville

  • EXPERT
  • ***
  • Posts: 3339
  • The best daily exercise -- walk with the Lord.
Re: Mga Awit Sa Banagbanag sa Balay Ni Glacier_71
« Reply #165 on: September 02, 2009, 10:07:41 AM »

para nimo glace
Every Christian has GPS -God-Provided Salvation!
It may not guide you to everywhere you want to go in this world, but it will ensure  that you arrive safely in heaven.


Bambi

  • GURU
  • ****
  • Posts: 7303
  • Life is hard but a perfect dream to live on....
Re: Mga Awit Sa Banagbanag sa Balay Ni Glacier_71
« Reply #166 on: September 02, 2009, 11:36:38 PM »
asa ka man aning video sa swimming sesson  kanang gabrief ug puti?  :-\


jamo2x

  • EXPERT
  • ***
  • Posts: 1948
  • enJOY life and dance as if it's your last dance
Re: Mga Awit Sa Banagbanag sa Balay Ni Glacier_71
« Reply #167 on: September 02, 2009, 11:42:58 PM »
Lunes.

Unang adlaw sa kagool human gibutyag ni Kris ang iyang bag-ong hinigugma. Nianang giabii igo na lang tawn ako sa paghandum sa among kagahapon, apan daw nagdumili pa gihapon akong kasingkasing sa pagtoo nga wala na gyud si Kris.

Niadtong panahona, bisan pa's among bag-ong sitwasyon, ok lang gihapon niya nga magkatext kami. Padala kog mga mensahe nga halos puro pagdawat sa kaparutan, bisan tood sa tinood nagsaygit pa akong kasingkasing kung ngano.

Martes.

D

Mierkoles.


morag kanta man ni nga 'isang linggong pag-ibig' ni hehehe kumpletoha na bay...  ;D
i promise you, i'll be yours forever :)

glacier_71

  • DIPLOMAT
  • GURU
  • *****
  • Posts: 9926
  • i expand and live in the sun like corn and melon
Re: Mga Awit Sa Banagbanag sa Balay Ni Glacier_71
« Reply #168 on: September 02, 2009, 11:57:28 PM »
hahahahahaha...lagi. ako pang gihinayhinay og pamupho ang mga agipo nga gibiyaan nas kainit. basin na lang sa kadugayan, mabati ko gihapon ang iyang mga parayeg nga maoy nagtunaw sa nahikatolog kong kasingkasing.
Artificial Intelligence is nothing in comparison to Natural Stupidity.

chicogon

  • SUPREME COURT
  • GURU
  • *****
  • Posts: 12292
Re: Mga Awit Sa Banagbanag sa Balay Ni Glacier_71
« Reply #169 on: September 03, 2009, 12:15:43 AM »
Sa nagkadugay nakong basa aning thread nagkalawom ug nagka mahinuklogon naman ang mga tawo deri, hibalina sa ilang mga pinulongan nga lumad nga binol-anon. Nagka maayo... padayon!
Wine does not make you FAT... it makes you LEAN.

(LEAN gainst tables, chairs, floors, walls and ugly people.)


Add Me: http://twitter.com/roromusic2009

hubag bohol

  • AMBASSADOR
  • THE SOURCE
  • *****
  • Posts: 88400
  • "Better to remain silent and be thought a fool...
Re: Mga Awit Sa Banagbanag sa Balay Ni Glacier_71
« Reply #170 on: September 03, 2009, 06:17:58 PM »
ang iyang mga parayeg nga maoy nagtunaw sa nahikatolog kong kasingkasing.

Mas kujaw kon ang natunaw kay ang nahikatulog nga mantika sa tambok mong pagbati! ;D
...than to speak out and remove all doubt." - Abraham Lincoln

Bambi

  • GURU
  • ****
  • Posts: 7303
  • Life is hard but a perfect dream to live on....
Re: Mga Awit Sa Banagbanag sa Balay Ni Glacier_71
« Reply #171 on: September 03, 2009, 06:25:14 PM »
Mas kujaw kon ang natunaw kay ang nahikatulog nga mantika sa tambok mong pagbati! ;D

here comes hubag b. again.....whahaha  ;D hubs, wa pa man maghagok dili kaajo kujaw!

hubag bohol

  • AMBASSADOR
  • THE SOURCE
  • *****
  • Posts: 88400
  • "Better to remain silent and be thought a fool...
Re: Mga Awit Sa Banagbanag sa Balay Ni Glacier_71
« Reply #172 on: September 03, 2009, 06:37:29 PM »
here comes hubag b. again.....whahaha  ;D hubs, wa pa man maghagok dili kaajo kujaw!
Kon maghagok, sa ato pa na-atherosclerosis na, namaga na ang blood vessels mao nga naghadjong na ang bul-og sa pagbati, ha ha ha.

Ang nakalami sa nahikatulog nga mantika, matunaw kon mainitan, unja kon painitan og samot, mag-uros-uros!

;D
...than to speak out and remove all doubt." - Abraham Lincoln

Bambi

  • GURU
  • ****
  • Posts: 7303
  • Life is hard but a perfect dream to live on....
Re: Mga Awit Sa Banagbanag sa Balay Ni Glacier_71
« Reply #173 on: September 03, 2009, 06:41:56 PM »
Kon maghagok, sa ato pa na-atherosclerosis na, namaga na ang blood vessels mao nga naghadjong na ang bul-og sa pagbati, ha ha ha.

Ang nakalami sa nahikatulog nga mantika, matunaw kon mainitan, unja kon painitan og samot, mag-uros-uros!

;D

"MAG UROS-UROS" pareho sa Gugma ni Glacier ngadto kang Kris? Pero kini midagayday sa paghilis sa "tambok" aw...sa pagbati sa kasakit sa kamatouran.
Aguy.... mora sakto ang imong pagkomparar! Sorry Glacier....Peace!

glacier_71

  • DIPLOMAT
  • GURU
  • *****
  • Posts: 9926
  • i expand and live in the sun like corn and melon
Re: Mga Awit Sa Banagbanag sa Balay Ni Glacier_71
« Reply #174 on: September 04, 2009, 11:49:59 AM »
Kon maghagok, sa ato pa na-atherosclerosis na, namaga na ang blood vessels mao nga naghadjong na ang bul-og sa pagbati, ha ha ha.

Ang nakalami sa nahikatulog nga mantika, matunaw kon mainitan, unja kon painitan og samot, mag-uros-uros!

;D

"MAG UROS-UROS" pareho sa Gugma ni Glacier ngadto kang Kris? Pero kini midagayday sa paghilis sa "tambok" aw...sa pagbati sa kasakit sa kamatouran.
Aguy.... mora sakto ang imong pagkomparar! Sorry Glacier....Peace!


dili na lang nato pauroson og balik kay basin mangapaso ta.

sakto ug igo na nga matunaw, kay dali lang nato pakatugon.

hehehehe
Artificial Intelligence is nothing in comparison to Natural Stupidity.

glacier_71

  • DIPLOMAT
  • GURU
  • *****
  • Posts: 9926
  • i expand and live in the sun like corn and melon
Re: Mga Awit Sa Banagbanag sa Balay Ni Glacier_71
« Reply #175 on: September 08, 2009, 12:46:10 PM »
Mierkoles.

Didto nako nag-atubang sa gate sa bag-ong balay nila ni Kris. Dako naman diay ang kabag-ohan sa ilang lugar sukad sa akong katapusang pagbisita niya tulo na katuig nga milabay.

Sa akong pagsulod, nabati ko ang tingog ni Kris nga daw awit sa akong pangdungog. Ug nagtagbo ra gyud sa katapusan ang among duha ka mga dalan nga sulod sa dugayng panahon wala na tawn maduaw. Nagkinumustahay. Diha pa gani kamiy beso-beso. Pagkahumot niya. Bag-o pa gyung ligo.

Daghang kaayo kami og mga gibalik nga mga kaagi ug panghitabo sa among tagsa-tagsa ka kinabuhi. Wa namo damha nga nilabay na diay ang kaudtohon. Kamolong sulti ni Kris, sige lang pod tawn ko og sud-ong sa iyang panagway. Gisubay ko pagbalik ang iyang nawong sa akong mga nagkayo nga mga mata. Usa ka butang nga misantop sa akong hunahuna, kasayang!

Kadumdum nga didto pa gyud mis gawas sa ilang balay nagstoryahanay. Bisag dihay gilamok, wa jud nako to tagda.

Tood man miabot ang usa ka tawag. Gikan sa iyang uyab. Wa ko manumbaling sa ilang gipanagstoryahan bisan og madungog nako kini ug ang katawa ni Kris sulod sa ilang balay.
5 ka minutos ang milabay. 7. 8. 9. 10....15. Didto sa kos gawas. Ako rang usa. Di ko boot hunahunaon nga mura na kog gikalimtan niadtong tungora sa akong gimahal. Human sa 25 minutos, nibalik siya. Malipayon. Ug ako kaulion na gyud. Gisakitan. Gaselos. Gibati og dyutang kahiubos.

Ug ako siyang giingnan, "Syaro wa man jud ka manumbaling na nako. Kabalo man unta ka nga dia kos gawas." Ambot sakto ba kadtong akong gisulti. Apan, unsay iyang mahimo, ako man jud tong gibati. Wa siya makatingog.

Niuli kos among lungsod. Mao na kadto ang katapusan nakong komunikasyon ni Kris.

Milabay ang pila ka buwan, nakadawat kog tawag gikan ni Kris. Gusto niya nga moadto kos ilaha kay naa siya'y boot isulti nako. Wa ko kabalo og unsay akong buhaton niadtong tungura, nakaingon lang ko og OK.

Didto na kos ilang balay usab. Human nako gikahimamat iyang ginikanan, gitawag ko ni Kris ug gipasakay kos iyang kotse. Ug unsa kining iyang plano, wa ko masayod. Dili pod ko boot mangutana. Igo lang ko nisulti nga asa man diay kono kami. Daw usa ako ka lusay nga nagpaanud na lang sa bulhog sa kahigayonan. Unsa pa bay gusto niya nako karong panahona.

Laktod pagkasulti, didto kami sa usa ka mahalon nga kan-anan sa iyang dapit. Nangaon mi. Wa ko kasabot sa akong gibati. Puro pangutana ang sulod sa akong hunahuna. Ang akong mga storya niya para lang aron naa koy ikasulti. Nagpakaaron ingnon pod ko nga excited nga mahibawo sa iyang tuyo.

Ug miabot ang takna nga wala nako damha ang mahitabo atong gabhiona.

"Ok ra ka, don?" Matud niya.

"Ok ra man. Bahin sa unsa man na?"

Buntis ka? Maoy nisantop sa akong hunahuna. Sus, pila ka tuig nga akong giampingan iyang pagkababaye. Karon, buntis na siya sa iyang bag-ong minahal. Di matugkad akong bation kung ugaling mao kini iyang boot isulti.

"Don...Magminyo nako. Pakaslan ko ni Gerry."

Didto ko daw nahulog sa akong gitungtungan. Igo na lang kong ningisi ug nikahawid sa iyang kamot ug nipahalipay. Apan sayod ang langit, wa ko malipay.

Wa na ko motambong sa kasal ni Kris bisan iya kong gihangyo.

Wa na ko pakita niya sukad niadtong gabhiona.

Wa na ko magtoo kung aduna pa bay gugma.

Wa koy kanta'ng ikahalad alang kaniya.


Artificial Intelligence is nothing in comparison to Natural Stupidity.

Raquelproud boholana

  • LUMINARY
  • ***
  • Posts: 5113
  • mother of 4
Re: Mga Awit Sa Banagbanag sa Balay Ni Glacier_71
« Reply #176 on: September 08, 2009, 01:04:24 PM »
Dia ra ang kanta Glace. Gasakit akong dughan hahay kapait.
"We may be surprised at the people we find in heaven. God has a soft spot for sinners. His standards are quite low"---Bishop Desmond Tutu

Lazada.com.ph Search ProductsBooking.com Hotel Search | SitemapRSS Feeds

Bambi

  • GURU
  • ****
  • Posts: 7303
  • Life is hard but a perfect dream to live on....
Re: Mga Awit Sa Banagbanag sa Balay Ni Glacier_71
« Reply #177 on: September 09, 2009, 03:28:35 AM »


Glace, sulayi ni ug paminaw kon moangay ba sa kapakyasan sa imong gugma ngadto ni Kris!


Maghulat ko sa sunod hugna sa imong sugilanon sa gugma.  Kinsa naman usab ang sunod mong gihalaran?


windgate

  • EXPERT
  • ***
  • Posts: 1097
Re: Mga Awit Sa Banagbanag sa Balay Ni Glacier_71
« Reply #178 on: September 09, 2009, 07:20:58 AM »
Another version of "ang huling el bimbo" :'( :'( :'(

sumpayi pa, ice...

fdaray

  • LUMINARY
  • ***
  • Posts: 5037
  • In my twilight days..... I shine still shine..
Re: Mga Awit Sa Banagbanag sa Balay Ni Glacier_71
« Reply #179 on: September 09, 2009, 08:15:41 AM »
Nindot sad nga story.
Life is what you make.
Kon naa kay gisoksok, naa kay makuot.

http://feldarblogspotcom.blogspot.com/
http://darayagrifacts.blogspot.com/

 

ESET Antivirus and Internet Security for Mac computers and laptops - Save 25%
Mobile View
SimplePortal 2.3.7 © 2008-2017, SimplePortal