travel insurance protection insured trip abroad security

Author Topic: Tudlo-an ang kabataan sa saktong paggamit sa Internet  (Read 324 times)

MIKELIGALIG.com

  • FOUNDER
  • Webmaster
  • *****
  • Posts: 21681
  • NEED A WEBSITE? 09206301130 | info@mikeligalig.com
Tudlo-an ang kabataan sa saktong paggamit sa Internet
« on: September 10, 2017, 03:08:01 AM »
Tudlo-an ang kabataan sa saktong paggamit sa Internet

Kinahangalng tudlo-an ang mga kabataan sa tukmang gawi sa paggamit sa internet, aron dili sila mabiktima sa physical molestation, harrassment ug pagkasugamak sa dili angayang mga panan-awon nga bukas sa internet.

Kini maoy pahimangno sa National Police Commission (NAPOLCOM) pinaagi ni NAPOLCOM Assistant Regional Dir Jose R. Concepcion Jr, kinsa mianhi sa Bohol maoy nanguna sa paghandum sa National Crime Prevention Week dinhi sa rehiyon.

Kinahanglang makat-on ang kabataan ug bisan na ang mga hamtung nga dili mohatag sa mga kasayuran nga maka-ingon nga sayun ra silang hingtud-an, aghat sa NAPOLCOM.

Mga kasayuran sama sa pangalan, passwords, ngalan sa ginikanan, gipuy-an, tunghaan o numero sa telepono ilabi na sa chat o sa bulletin boards, maoy dangpon sa mga kriminal aron mamiktima, matud sa mga tinugyanan sa NAPOLCOM.

Gani, bisan sa mga hamtong, angay gihapon magmatngon ilabi na sa paghatag ning mga kasayuran sa email, ilabi na kon wala kay personal nga kasayuran kon kinsa ang imong gika-estorya, pahimangno sa mga tinugyanan.

Usab, matud sa NAPOLCOM, mas nindot kon hibaw-an sa mga ginikanan ang mga internet services nga gigamit sa mga bata aron dali nga kapugngan ang paggamit unya nila sa mga materyales nga dili angay sa ilang mga edad.

Ngadto sa mga tigbantay usab sa mga internet-stations, kinahanglang magmatngon nga walay mosaag og gamit sa mga sites nga nagbukas alang sa child pornography, aron dili mahaylo ang kabataan sa law-ay nga mga buhat nga mahimong sinugdanan sa krimen.

Sugyot usab sa NAPOLCOM ngadto sa mga ginikanan, ayaw ibutang ang mga family computers sa kwarto sa mga bata kay dili na hinoun sila mabantayan kon mangabli sa mga adult sites, o magpatakag butang sa mga hulagway nga maoy ampay sa mga pedophiles, ug mga sex maniacs.

Unta, himoon nga ang matag adlaw, adlaw sa crime prevention, panapos sa NAPOLCOM didto sa Kapihans a PIA pinaagi ni Atty. Luib Jr., sa miaging semana. (rahc/PIA-7/Bohol)
Romans 10:9-10
"If you declare with your mouth, “Jesus is Lord,” and believe in your heart that God raised him from the dead, you will be saved. For it is with your heart that you believe and are justified, and it is with your mouth that you profess your faith and are saved."

My Facebook Profile: https://www.facebook.com/michaelortegaligalig
RSS Feeds Tubag Bohol Feed Burner


 

ESET Antivirus and Internet Security for Mac computers and laptops - Save 25%
Mobile View
SimplePortal 2.3.7 © 2008-2017, SimplePortal