MikeLigalig.com

Patay’ng lawas sa gwardiya nga missing ug 20 ka adlaw, nakalutan sa iro
Posted By: Bombo Radyo Gensanon: October 06, 2017 | 7:04 AMNo Comments

GENERAL SANTOS CITY – Nagpadayon ang gihimong pagsusi sa kapulisan kalabut sa pagkakaplag sa lubong sa usa lalaki nga gilubong una ang ulo ug paibabaw ang iyang mga tiil.

Gibutyag ni Police Sr. Insp. Dominador Soliva sa Tambler Police Station nga ilang girespondihang ang tawo sa duha ka mga cowboy sa Guiterrez Ranch sa Sitio Cabu, Barangay Bawing sa lalaki nga gituhu-ang gipatay ug gilubong.

Kaubn nga nagresponde ang mga sakop sa Scene of the Crime Operatives nga miila nga lalaki ang nahisgutang mga bukog nga gituhu-an nga mukapin kinse diyas na nga gilubong.

Matud ni Soliva bnga naa na sa advance state of decomposition ang nahisgutan nga kadugayan giila sa misis sa biktima nga si Romeo Sudaw 33-anyos, headguard sa Supreme Security Agency nga nagbantay sa Rodriguez Ranch sa Sitio Kabu, Bawing ning dakbayan.

Matud ni Soliva nga miaging mga semana adunay nagpatala nga nawala ang ilang security guard sa usa ka ranso sa lugar.

Nakatimaho matud pa ang duha ka cowboy sa hangin hinungdan nga ilang gisusi ug nakita ang lubong.

Sa karon nagpatabang sa gobyerno ang asawa ug igsuon sa namatay nga madala ang mga bukog sa biktima sa ilang lugar sa Lake Sebu, South Cotabato.

Naka estorya na sa kapulisan ang asawa sa biktima ug nakuha na ang pangalan sa suspek nga gikonsidera na nga person of interest.

Linkback: https://tubagbohol.mikeligalig.com/index.php?topic=87618.0