MikeLigalig.com

Ni Rey Pasaporte   (Banat) Updated March 02, 2011 12:00 AM  Comments (0)   View comments

CEBU, Philippines - Naalarma ang mga residente duol sa taytayan sa dalan B. Rodriguez sa dihang usa ka
lalaki ang milayat sa gibanabanang 20 ka tiil nga gilawmon gikan sa ibabaw ngadto sa naugang
sapa kagahapon sa alas-2 sa kaadlawon.

Nalandig sa tambalanan si Alberto Sinco, 55, giingong usa ka mahuyang ug nagpuyo diha sa
V. Rama Avenue sa barangay Guadalupe siyudad sa Sugbu.

Si Sinco daling gitabang ug gidala sa Cebu City Medical Center (CCMC) sa mga sakop sa Emergency Rescue
Unit Foundation (ERUF) human mapalgi sa mga tawo nga nagluko ug nagping-it sa kasakit sa iyang tiil.

Segun sa report, nga sa wala pa moambak si Sinco nakit-an pa kining naglakaw-lakaw diha sa nahisgutang lugar.

Padayon pang gisusi sa kapulisan sa Fuente kun nganong buot magpakamatay si Sinco apan sa report sa
Buena Mano Balita sa GMA-7 kini miingon nga tungod sa iyang ‘problema’ nga duna siyay gihambing sakit.

Ang maong pamahayag gidasonan ni Virgilio ang igsuon sa miambak kinsa maoy kanunay mobisita sa
gipuy-an ni Sinco dihang ang naulahi mipadayag nga duna kini sakit apan wala hinuon hinganli niini.

Si SPO1 Agustin Collano sa Fuente Police Station nagkanayon nga duna silay nahipos nga impormasyon
nga sa wala pa moambak si Sinco nakit-an kining naghingos og rugby diha sa nahisgutang lugar

Si Lyndon Jagmoc, kagawad sa barangay Sambag 2 miingon nga ilang pahugtan ang seguridad diha
sa maong taytayan aron dili na mausban ang maong hitabo. (BANAT NEWS)

Linkback: https://tubagbohol.mikeligalig.com/index.php?topic=38403.0

kung tinuod man nga naghingos ug rugby ning tawhana, ang sakit ani sakit sa utok. maayo unta ug dili tinuod.

Linkback: https://tubagbohol.mikeligalig.com/index.php?topic=38403.0

Oi, medyo lahi man ang coverage sa Superbalita bahin ani...



Lalake miambak sa taytayan, angol
Ni Joy F. Tumulak
Tuesday, March 1, 2011


LALAKE nga gituohang may deperensya sa iyang pangisip tungod sa giingong pagsige og hingos og rugby nilayat sa taytayan sa dan B. Rodriguez, dakbayan sa Sugbo pasado alas 2 kagahapon sa kaadlawon.

Ang biktima nga nakaangkon og kadaut sa iyang mga bitiis giilang mao si Alberto Cinco, 53, taga Englis, V. Rama, Barangay Guadalupe, ning dakbayan.

Si Inspector Antonio Belo, duty officer in charge sa Night Watch patrol, unang naka-responde sa alarma human niya kini malabyi sa iyang pag-agi sa dapit.

Si SPO2 Agustin Collano sa Fuente Police nagkanayon nga ang mga tawo sa dapit nakamatikod sa biktima nga naglakaw sa taytayan.

Wa magdugay nikalit kini paglayat sa taytayan.

Mga sagbot ug kabatoan maoy unang natugpahan sa biktima una pa siya natusmaw sa tubig.

Gibana-bana sa kapulisan nga dul-an sa 15 ka tiil ang giladmon sa natagakan sa biktima.

Ang kapulisan wa makakuha og impormasyon sa biktima ngano nga siya nilayat.

Hinuon ilang namatikdan nga lain kini og tinubagan.

Nakadawat og taho ang kapulisan nga tiggamitan og rugby ang biktima.

Apan wa pa kini makompirmar sa kapulisan gikan sa kabanay nga wa pa moabut sa Cebu City Medical Center (CCMC) dihang giimbestigar sa kapulisan ang hitabo.


Gipatik sa mantalaang SuperBalita Cebu Marso 02, 2011.




Linkback: https://tubagbohol.mikeligalig.com/index.php?topic=38403.0

Abi ko bag mga bata ray mogamit aning rugby...



Linkback: https://tubagbohol.mikeligalig.com/index.php?topic=38403.0

Na-high sa rugby  ug basin nagtuo nga makalupad
  siya unya sa lapok nabugso maong naangol, nah matuliro samot  ang pangutok 

Linkback: https://tubagbohol.mikeligalig.com/index.php?topic=38403.0

Mao gyud, dili naman unta teen-ager, fifty-ager na gud..adis-adis lang gihapon.

Linkback: https://tubagbohol.mikeligalig.com/index.php?topic=38403.0