SuperBalita Davao
Friday, June 28, 2013
Dear Noy Tikyo,
Tagoa lang ko sa ngan nga Maxxy, 24, ug taga diri ra sa dakbayan sa Davao. Naa nay permanenteng trabaho sa usa ka pribadong kompaniya.
Nagkasabot na mi sa akong boyfriend nga magminyo sunod tuig. Nakab-ot namo ang maong desisyon kay dugay-dugay na man sab mi nga nagkauyab - lima na ka tuig. Unya nakita sab gyud namo nga nagkahigugmaay mi sa usag-usa.
Napili nako siya nga unongan kay buotan ug masinabtunon nga pagkatawo. Wala na koy angay nga pangayuon gikan sa Ginoo sa lalaki nga akong minyoan.
Sukad mi nagkauyab, never gyud siya nga mihagad nako og sex kay alang niya mahitabo lang kini sud sa among kaminyuon. Hinuon, dunay mga halok-halok ug gakos-gakos, apan kutob ra gyud dinhi. Sa laktod, di siya mapahimuslanon. Matinud-anon siyang pagkatawo.
Apan nabalaka lang ko karon kay wa siya kahibawo nga niadtong gamay pa ko, 6 anyos ang akong edad, nag-sex mi sa akong silingan nga sama nako og edad. Di na kaha ko virgin? Basin mausab ang akong uyab kon iyang mahibaw-an nga dunay nahitabo nako kadtong gamay pa ko. Hinuon, wala man ko magdugo niadtong tungura unya dali ra sab kaayo tong among gibuhat kay nagduwa-duwa ra god mi. Unsa kahay imong hunahuna, Noy?
Maxxy
Linkback:
https://tubagbohol.mikeligalig.com/index.php?topic=73637.0