Sa imbestigasyon ni SPO4 Alex Dacua ug mga kauban sa Homicide Section sa Cebu City Police Office (CCPO), ang amahan sa enenyero nga si Melchor niingon nga nakadungog siya og duha ka mga buto sa armas gikan sa lawak sa iyang anak.
Dihang gisusi sa amahan, nakurat siya diha ang duha nabulit sa kaugalingong dugo samtang nagtupad sa paghigda diha sa kutson nga ilang gibutang sa salog.
Matod ni Dacua, ilang nakita ang wa nga kamot sa lalaki nagkumot sa buhok sa babaye nga si Jennylyn ug napalgan sulod sa lawak ang usa ka kalibre .45 nga adunay duha ka kabhang sa bala.
Asoy sa inahan sa enhenyero, ang uyab sa iyang anak magkatulganan na sa ilang balay.
Dugang nasayran sa kapulisan nga ang lalaki nitabang og gasto sa pagtungha sa ilang babaye.
Dugang nasayran sa pamilya, ang duha nag-away sa miaging mga buwan sa "third party" ug giingong giangkon sa babaye nianang gabii sa wa pa ang duguong hitabo.
Dugang sa inahan nga iyang gihusay ang duha ug gimaymayan ang babaye nga dili na kini magluib sa ilang relasyon sa iyang anak kay seryuso kini nga gimahal sa iyang anak ug gigastuhan sa iyang pag-eskwela.
Linkback:
https://tubagbohol.mikeligalig.com/index.php?topic=80817.0