Tambagi ko Noy Kulas: Way spark
Dear Noy Kulas, Tawga lang ko og Jaz, 29 anyos but single pa kay nagapos sa responsibility sa akong parents. Ako ang kinamaguwangan sa among magsuon. Ang tanan nakong mga manghod nangaminyo while ako single pa. Human nako og gasto nila sa eskwela ug naka-gradÂuate, nisulod sila sa kaminyuon samtang ako maoy nabinlan sa among parents kay naa na silay mga responsibility. Kining among parents sa una pa, ari magsalig nako human ko nakatrabaho kay gamay ra og suweldo ang among tatay. Di malikayan, dunay panahon nga apeke ko sa kwarta, ari ko makapanghuwam sa akong officemate nga mga duha ka tuig nang nanguyab nako. Buotan baya siya, Noy Kulas, pero way spark kon magkuyog mi. Duha ka tuig na siyang serious nga nanguyab nako pero wa nako gisugot kay di lang ko ganahan niya. Way laing nanguyab nako gawas lang niya. Unsa kaha, ako siyang sugton ug mo try og love niya? Maayo kaha, Noy?
JAZ
Jaz, Suwayi ang pagsugot niya. Basin pa diay ma-develop ang imong feeling anang tawhana kon magsige na mo og kuyog. Pareho sa friendship, naay mga higayon nga mo level up, mosangko sa uyab-uyab tungod sa tumang ka suod. Basin mao nay kuwang diha, ang pag-discover sa usag usa. Kanang spark mao nay instant attraction sa opposite sex. Mahimong mo last og dugay ug mahimong dali ra mawagtang. Ang uban gani nga nagkadayon, wa magtuo nga sila magkauyab kay sa sugod way spark. Dihang nagkasuod, diha na nila ma-discover ang usag usa nga magkasinabot sila ug ganahan sila sa usag usa na. Basin, mao na ang mahitabo ninyo. Give it a try.
NOY KULAShttp://www.sunstar.com.ph/superbalita-cebu/Linkback:
https://tubagbohol.mikeligalig.com/index.php?topic=85389.0