Si SPO3 Renerio Masocol Jr., deputy chief sa Carmen Police Station nga nahinabi sa dySS ug Sun.Star Superbalita, nagkanayon nga ang biktima ug ang bana magkaaway pirmi tungod kay way klarong remittance sa kita sa traysikol si Benedicto.
Niasoy si Daryl sa mga pulis nga ang iyang mama nanilhig dihang niabot ang ilang amahan gikan namasahero ug nagkalalis ang duha.
Sa ilang pag-initay sa lalis, ang silhig-tukog giilog sa ilang amahan unya ang gibunalan ang agtang sa iyang mama sa kuptanan niini hinungdan sa paghuboy.
Naluya hangtud nga nagsige na lang og suka si Clarita.
Gibutyag niya nga kusog kaayo ang pagkahapos sa agtang sa handle sa silhig ug nasentro ang agtang sa iyang mama.
Bisan sa hitabo, nilakaw ang ilang amahan kay namasahero pagbalik.
Pag-uli sa ilang amahan sa tambalanan, naabtan pa ang asawa nga nagsige og suka.
Gidali nila sa pagdala sa VSMMC sa dakbayan sa Sugbo ang biktima.
Ang mga anak ningbutyag nga kanunay mag-away ang ilang mga ginikanan kay yawyawan ni Clarita si Benedicto gumikan kay naburyong sa pagsigeg suyop og shabu.
Tungod sa bisyo sa shabu, way klarong remittance ang ilang amahan sa kita sa traysikol.
Ang ilang amahan mokuyog sa mga kauban niining driver sa pagsuyop og shabu sa Danao City.
“Gayaw-yaw daw ang ilang mama kay sigeg bisyo og shabu ang ila papa. Pero silang mga bata na-immune na lang nga matag adlaw magsininggitay, dagkog mga baba, †dugang ni SPO3 Masocol.
Linkback:
https://tubagbohol.mikeligalig.com/index.php?topic=79175.0