Ni KRIS C. SIALANA
PATAY ang usa ka lalaki human gibunalan og bato sa duha ka mga lalaki nga naka-bonnet kagahapon mga ala 1:30 sa kaadlawon sa Purok 8, Guitagom, Misamis Oriental.
Patay na nga nadala sa Northern Mindanao Medical Center (NMMC), dakbayan sa Cagayan de Oro si Eddie Sumili, 24, ulitawo, lumulupyo sa nahisgutang dapit.
Sa nahipos nga impormasiyon gikan sa NMMC, nasayran nga nag-inom si Sumili uban sa iyang mga higala apan sa dihang sila na lamang ang nahabilin kalit nga adunay duha ka wala maila nga suspek ang miabot ug pulos naka-bonnet.
Giingong usa niini nagdala og bato dayon og hapak sa ulo ni Sumili gani nagpakitabang pa kini sa higala nga si Benjie Pacodan apan nidagan na lamang kini human nga gibaharan nga apilon sa pagpatay kun motabang.
Human sa maong hitabo nibalik si Pacodan apan naabtan na lamang niini nga naligo na sa kaugalingong dugo si Sumili.
Dali pa kining gidala sa NMMC apan walay swerteng nakabsan na kini sa hinulamang kinabuhi.
Sa pagsulat niini nga balita, ang patay nga lawas ang gidala na pagbalik sa nahisgutang dapit.
Gipatik sa mantalaang Superbalita Cagayan de Oro Abril 27, 2016.
Linkback:
https://tubagbohol.mikeligalig.com/index.php?topic=82227.0
Topic: Ulo sa ulitawo way daghang seremonyas gidukdok og bato sa wa-hiilhing mga tawo (Read 541 times)