Ni KRIS C. SIALANA
PATAY ang usa ka lalaki human miambak gikan sa gambalay nga kamulo pa nga gi-construct niadtong Lunes sa hapon sa National Highway, Cugman, dakbayan sa Cagayan de Oro.
Gituohang high sa ginadili nga druga si Chanel (bansagon gipugngan), 36, ulitawo ug residente sa susama nga dapit apan lumad nga taga Cebu City.
Sa report gikan sa Northern Mindanao Medical Center (NMMC) ning dakbayan diin gidala ang biktima, nasayran gikan sa usa ka nurse nga giingong posibleng nakagamit sa ginadili nga druga ang biktima.
Giingong posible nga nawad-an na kini sa insaktong panghuna-huna hinungdan nga milayat sa gambalay nga wala mabantayi.
Gidugang pa nga pila na kini ka adlaw nga walay insaktong kaon mao nga wala na kini sa insaktong pangisip.
Nakaangkon og dakong samad sa ulo ug bali ang tuo niini nga tiil hinungdan nga kritikal kining milanding sa NMMC ug walay swerteng nakabsan sa hinulamang kinabuhi mga alas 7:40 sa gabii samtang nagpaalim sa tambalanan.
Sa pagsulat niini nga balita, ang patay nga lawas sa biktima giatiman na sa mga nahabiling pamilya.
Gipatik sa mantalaang Superbalita Cagayan de Oro Mayo 04, 2016.
Linkback:
https://tubagbohol.mikeligalig.com/index.php?topic=82253.0
Topic: Ulitawo nga ‘high’ sa druga milupad, imbis molutaw mitiurok ug nalimbuwad, patay (Read 576 times)