Brigada News - Igo na lamang napalgan sa mga manimbahay ang usa ka ulitawo nga gituohang naghikog sulod sa simbahan sa San Agustin sa Barangay Carmen, siyudad sa Cagayan de Oro, alas 3:00 sa miaging hapon.
Gilayong gihatod ngadto sa Northern Mindanao Medical Center (NMMC) ang biktima nga giilang si Remington Bitang, 24, molupyo sa Zone 2, Barangay Bulua, ning dakbayan.
Matod sa mga otoridad, ang mga tinun-an nga sila si Brent Arayan ug Virgilio Item, Jr. ang nakakita sa biktima.
Asoy sa mga tinun-an, samtang kamolo sila og pangaliya ilang nakita ang biktima nga adunay tapad usa ka garapa sa pestisidyong ‘Karate’ nga gituohang iyang giyarok.
Kasamtangang gi-obserbahan sa mga mananambal ang kahimtang sa biktima. Maxx Anaten
Linkback:
https://tubagbohol.mikeligalig.com/index.php?topic=50593.0