MikeLigalig.com

By Sun Star

Usa ka lalaki ang nilanding sa balay tambalanan human giluba kagahapon mga alas 3:00 sa kadlawon sa Divisoria ning siyudad sa Cagayan de Oro.

Giila ang biktima nga mao si Jonard Limbayon, 25, ulitawo, taga Barangay Lumbia, Cagayan de Oro.

Are you short of coins? Check out Sun.Star's multimedia special report on coin circulation.

Gitumbok nga suspetsado ang kanhi uyab sa uyab niini ning panahona nga giilang si Ramil Huno, 26, taga lungsod sa El Salvador, Misamis Oriental.

Nasayran gikan sa uyab ni Limbayon, nga mao si Janivee dihang nahinabi sa Sun.Star Superbalita nga nagsaulog siya sa iyang adlawng natawhan niadtong Lunes ug gi-treat kini ni Limbayon.

Wala nila masayran nga anaa sa dapit ang iyang kanhi uyab nga giingong magsige pa og sinamok kanila.

Dihang migawas na sila sa usa ka balay kalingawan kalit lang nga mitunga sa dapit si Huno ug nangluba ngadto kang Limbayon miresulta sa pagkaigo sa tiyan niini ug likod nga bahin.

Gani gusto pang birahon ni Huno si Janivee aron ubanon ug biyaan ang nagbuy-od nga si Limbayon, apan tungod kay nakahilak naman si Janivee sa hitabo ug nagpatabang hinungdan daling misibat ang suspek sakay sa motorsiklo niini.

Gidala gihapon ang biktima sa Northern Mindanao Medical Center (NMMC) kinsa kasamtangan pa nga giobserbahan sa doktor.

Linkback: https://tubagbohol.mikeligalig.com/index.php?topic=41432.0