Ni GUAM P. LOGROÑO
“KAY gihilantan lagi akong anak, Sir, walay pangpalit tambal. Nanulis na lang ko.â€
Mao kini ang daw drama nga pamahayag ni RiÂchard Rama, 37, minyo, taga dan Urgello, Barangay Sambag 1, dakbayan sa Sugbo human siya madakpi kagahapon sa buntag.
Nasikop usab ang iyang kaubang menor de edad nga nag-edad og 14 anyos, grade 7 sa City Central School.
Ang tinun-an gidakop sulod sa tunghaan kagahapon sa alas 8 sa buntag.
Samtang wa pa igkita ang ilang silingan ug kaubang 9 anyos kay nakasibat dihang gipangita sa kapulisan kagahapon sa kaadlawon.
Si Rama maoy gitudlong nitulis kang Laila Remonda, 51, cashier sa Ngohiong Express kagahapon sa alas 5 sa kaadlawon sa may dalan Natalio Bacalso avenue, Barangay Sambag 1, dakbayan sa Sugbo.
Si Chief Insp. David Señor, hepe sa Police Station 2 sa Cebu City Police Office (CCPO) nga nahinabi sa Sun.Star Superbalita, nagkanayon nga si Rama, uban sa duha ka mga bata, nagpakaaron ingnon nga kustomer.
Human mangaon ang tulo, wa kini mobayad.
Linkback:
https://tubagbohol.mikeligalig.com/index.php?topic=80665.0