Author Topic: Sa Oslob nihit ron ang butanding; kita sa butanding-watching didto mitakingking  (Read 552 times)

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Ni Rowena D. Capistrano (Banat) | Updated May 2, 2016 - 12:00am


CEBU, Philippines - Mga butanding nga magkanunayan sa kadagatan sa Oslob nimenus ang gidaghanon karong mga panahona kun itandi sa miaging mga buwan sumala pa sa usa ka lokal nga opisyal.

Si Elizabeth Benologa, ang Tourism Officer sa Oslob nga nahinabi sa Banat News miingon nga ilang nabantayan sa buwan sa Abril nga menus kaayo ang butanding nga nipaduol sa lungsod.

Kini namatikdan samtang nabatyagan sa Sugbo ang grabeng pagtaas sa temperatura epekto sa El Niño maong grabe ang nasinating kainit sa panahon.

Si  Benologa miingon nga sa nanglabay nga mga adlaw walay pag-uwan silang nasinati ug gituohan nila nga naapektahan gayud ang pagpakita sa mga butanding.

Matud pa ni Benologa, naandan 10 ngadto sa 20 ka mga butanding magpakita sa maong lungsod.

Apan niadtong buwan sa Abril tulo hangtud lima na lang ka butanding ang magpakita.

Ang pagmenus sa pagduaw sa maong higanteng isda sa lungsod nakaapektar sa lokal nga industriya sa turismo sa lungsod.

Sumala pa ni Benologa, aduna sila’y mga whale shark watching tours nga nakanselar tungod niini. Di usab mahimong dili kontrolahon ang mga tawong gustong motan-aw kay makaapektar kini sa maong mga isda.

Gitug-an ni Benologa, gumikan sa sobrang kainit sa panahon, apektado gayud og 30 porsiyento ang kita sa whale shark watching.

Si Ed Llamedo, tigpamaba sa DENR-7 mibutyag sa Banat News nga posibleng temporaryo lang kini.

Sumala pa niya ang presensya sa mga Butanding sa Oslob nagagad sa kaabunda sa mga krill o oyap nga maoy sagad kan-on sa maong isda.

Apan wala niya isalikway ang posibilidad nga ang grabeng kainit maoy hinungdan tungod kay wala pa man silay nakuhang kompletong impormasyon bahin sa sitwasyon sa lugar.

Sa pagkakaron nihimo na og mga pamaagi ang munisipyo aron adunay alternatibong panginabuhian ang mga boatman.

Gipadayag ni Benologa, hinay-hinay na usab nila karon gi-develop ang mga tourist attractions nga naa sa lungsod sa Oslob aron makatabang sa mga tawo nga mapalambo pa ang ilang panginabuhian. (BANAT NEWS)

Linkback: https://tubagbohol.mikeligalig.com/index.php?topic=82248.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

Tags: