MikeLigalig.com

SuperBalita Cebu
Ni Guam P. Logroño
Tuesday, November 25, 2014


GIINGONG illegal recruiter gipusasan sa mga aplikante nga buot mo-abroad nga ning-alegar nga gibulsa ang ilang gibayad hinungdan sila mismo ningdakop sa suspek kagahapon sa alas 8:00 sa buntag sa Sitio Pasil, Barangay Cogon East, lungsod sa Carmen.

Si Lifatte Fernandez, 35, kanhi overseas Filipino worker (OFW), taga Barangay Talisay, lungsod sa Daanbantayan, gipaubos sa citizens arrests sa upat ka biktima human sila giingong nailad sa pagbayad sa dakong kantidad sa kuwarta bugti sa paghatag og maayong trabaho sa gawas sa nasod.

Ang nisikop sa suspek mao sila si Rosejane Dabedon, 29, minyo ug taga Barangay Baring; Marian Morello, 28, minyo ug taga Barangay Poblacion; Mary Ann Lozano ,26, dalaga; ug Judith Lacno, 43, minyo ug taga Barangay Ipil, pulos sa Carmen.

Si SPO2 Simplicio Gibo, desk officer sa Carmen Police Station, nii­ngon nga si Fernandez gipusasan sa mga biktima human sila mag-abot sa usa ka bakery sa merkado sa lungsod dihang nagduda na sila niini.

Gibutyag sa mga biktima nga nailad sila sa pasalig ni Fernandez, diin nagsugod ang ilang transaction niadtong Hun­yo 24 ning tuiga diin gipangayoan silag P60 mil, nga installment sa ilang pagtrabaho sa abroad.

Samtang, ang suspek mihimakak apan way dokumento nga gipakita nga siya usa ka legal nga recuiter.

Linkback: https://tubagbohol.mikeligalig.com/index.php?topic=79329.0