Ni JEEPY P. COMPIO
DEAD on arrival sa Southern Philippines Medical Center (SPMC) ang usa ka pulis kinsa giingong gi-atake sa kasingkasing human nakig-sex sa babaye sud sa iladong hotel sa Barangay Matina Aplaya alas 8:00 sa gabii niadtong Lunes.
Ang pulis mao si alyas Rico (bansagon gipatago), kinsa Senior Police Officer (SPO) 4 na ang ranggo, gihaya sa Cosmopolitan Funeral Homes sa dalang Camus, Barangay 9-A Poblacion.
Base sa impormasyon nga nakalap sa Sun.Star Davao SuperBalita gikan sa kasaligan nga tinubdan, giingong alas 5:15 sa hapon mi-check in ang maong pulis, kinsa gi-atake sa sakit sa kasing-kasing alas 8:00 sa gabii.
Sa eksklusibong pakighinabi sa SuperBalita sa impormante nga usa sab ka pulis, gituohang miinom og “male enhancement pills†ang biktima una siya nakigbugno ibabaw sa kama kauban ang babaye.
Kagahapon sa buntag, gisubay sa SuperBalita ang Talomo Police Station, apan wala kini gipatala subay sa hangyo sa kabanay.
Gisubay sab sa SuperBalita ang log book sa Trauma Center sa SPMC apan wala na sab gitala sa guwardiya nga duty niadtong mga orasa.
Nasayran nga usa ka chief clerk ang nasampit nga SPO4 sa usa ka sangang ahensya sa kapulisan sa Davao City.
Gipatik sa mantalaang SuperBalita Davao Septembre 02, 2015.
Linkback:
https://tubagbohol.mikeligalig.com/index.php?topic=80872.0