Si Kate (di tinuod niyang ngan) nagtudlo sa usa ka public elementary school sa Mandaue City samtang si Pete (di tinuod niyang ngan), taga Brgy. Looc sa samang dakbayan, nagtudlo sa laing tunghaan sa elementarya.
Gikataho nga naabtan sila nga nagdulog ni PO1 Atan (di tinuod niyang ngan), 31, sakop sa Swat sa MCPO.
Si Atan kasamtangang nanimuyo sa iyang inahan sa Brgy. Tipolo.
Matod ni SPO4 Octavio dela Paz sa Liloan Police Station nga naatlan mismo ni Atan si Kate nga nakigdug ni PeÂte sud sa lawak nilang magtiayon pasado alas 11 sa gabii.
Gidakop mismo ni Atan ang iyang misis ug kabit inabagan sa assistance sa laing pulis gikan sa Liloan mga alas 11:55 sa gabii.
Matod sa bana nga desido siyang mopasaka og reklamo batok sa iyang asawa ug sa gikadug niini.
Si Atan nga nahinabi sa Sun.Star Superbalita niingon nga makadaghan na siya makadungog og mga estorya kabahin sa iyang asawa.
Dunay mga higayon nga kini moangkon, usahay manghimakak ug mangayog pasaylo.
Niadtong miaging gabii, iyang naabtan nga nag-sex ang duha.
“Nakit-an nako sila sa akto nagduwag kayo sulod sa among kwarto. Pusilon unta nako pero natapi sa akong igsuon ang armas,†dugang ni Atan.
Ang magtiayon adunay upat ka mga anak human makasal niadtong 2005 apan giangkon ni Atan nga away-balik ang ilang relasyon sa iyang misis.
Matod niya nga usahay kon mag-away sila sa iyang misis, molayas kini sa ilang balay apan mobalik ra gihapon kon sila magbalik.
Gitumbok niya nga niadtong 2008, iyang nasuta nga adunay tinaguang relasyon ang iyang misis ug si Pete, kinsa kauban sa trabaho sa usa ka pribadong tunghaan sa dakbayan sa Lapu-Lapu niadto.
Apan wa niya damha nga nagpadayon ang relasyon sa duha.
Linkback:
https://tubagbohol.mikeligalig.com/index.php?topic=79473.0