MikeLigalig.com

Ni ARNOLD BUSTAMANTE
 

USA ka 17 anyos nga dalaga nipasangil sa usa ka pulis nga ninglugos kaniya makadaghan sukad sa miaging tuig hangtod ning tuiga.

Giingong hulga sa pulis maoy nakapahadlok kaniya sa pagsumbong sa iyang mapait nga kasinatian.
Pulis mihimakak sa pasangil batok kaniya nga unta suod man niya ang pamilya.

Ang dalaga nga nidangop sa sibyaanang dyHP-RMN Cebu nireklamo batok kang PO3 Alexander Juaton, kinsa nadestino sa Personnel Division sa Police Regional Office (PRO) 7.

Si Juaton nagpuyo sa usa ka subdivision sa Sudtonggan, dakbayan sa Lapu-Lapu, isip caretaker sa usa sa mga ba­lay sa iyaan sa biktima nga si Joy (di tinuod niyang ngan).

Ang mga ginikanan ni Jel caretaker usab sa usa sa mga balay sa iyaan, apan ang biktima lang ang nagpuyo kay ang mga ginikanan toa sa amihanang Sugbo nanimuyo.

Si Juaton gihulagway sa pamilya nga ilang suod.

Linkback: https://tubagbohol.mikeligalig.com/index.php?topic=80879.0

Ang mga petsa nga iyang nahinumdoman niadto rang Enero 5 ning tuiga, Pebrero 26, Marso 17 ug ang katapusan niadtong Abril 6.

“Baga kaayo og nawong, iya lang ko kalit nga gibira sa sulod. Nangurog na ko, wa ko kasabot sa akong gibati. Iya kong giingnan nga higda, gitionan dayon ko sa armas nya niingon siya nga ayaw og langas,” naghilak nga nisaysay si Joy sa Sun.Star Superbalita ug dyHP.

Wa siya motug-an sa iyang ginakanan tungod sa kahadlok sa bahad ni Juaton nga patyon siya lakip ang iyang mga ginikanan.

Si Joy nagtungha sa usa ka unibersidad sa dakbayan sa Mandaue.

Matod sa inahan ni Joy nga si Maria (di tinuod nga ngan) nga suod sila nga managhigala sa suspek.
Gani matag pista sa ilang lungsod sa amihanang bahin sa Sugbo, ila kining imbitahon ug giisip nga importanting tawo.

Linkback: https://tubagbohol.mikeligalig.com/index.php?topic=80879.0

Ang labaw ni Juaton nga si Supt. Renato Dugan nitawag kang Juaton pinaagi sa cellphone niini aron ipahibawo sa reklamo nga gipaabot sa PRO 7 batok kaniya.

Si Juaton nisaysay kang Dugan pinaagi sa cell phone nga nasayod na siya sa maong reklamo sanglit gipa-blotter kini sa Marigondon Police station sa dakbayan sa Lapu-Lapu.

Siya nisulti kang Dugan nga natingala siya unsay motibo sa maong pamilya sanglit iyang gihulagway nga suod siya sa amahan ug inahan sa dalaga.

“Natingala bitaw ko, Sir, nganong ila kong gipasanginlan ana nga wa man unta mi mag-away,” matod ni Juaton sa dihang gihinabi ni Dugan.

Si Dugan, sa iyang bahin, nagkanayon nga paabuton lang una niya ang resulta sa imbestigasyon sa kasong administratiba una siya mohukom kon iya ba kining parelibohan sa katungdanan.

Kasamtangang nagserbisyo isip VIP security si Juaton sa Asia Pacific Economic Conference (Apec) meeting dinhi sa Sugbo.


Gipatik sa mantalaang SuperBalita Cebu Septembre 03, 2015.

 


Linkback: https://tubagbohol.mikeligalig.com/index.php?topic=80879.0