GITABANGAN og kulata sa wala mailang suspetsado ang usa ka ulitawo human nga nasuko sa dihang gihilam ang pribadong parte sa lawas niini samtang anaa sa Corrales-Chavez Street, dakbayan sa Cagayan de Oro. Ang biktima naila nga si Frances (bansagon gitago), 27, ulitawo nga residente sa Soldiers Hill, Bulua ning dakbayan. Sa nahipos nga impormasiyon gikan sa Police Station 1 sa Divisoria, gikabutyag nga samtang anaa sa maong dapit, gikabutyag sa biktima nga kalit lang nga gihilam sa duha ka mga suspek ang iyang junior nga gikasuko niini. Giingong sa dihang nipalag ang biktima kalit lang kining gitabangan sa pagkulata sa mga suspetsado. Nakaangkon ang biktima og samad ug bun-og sa iyang mga bukton, suwang ug isig bahin sa iyang ulo hinungdan nga nagpaalim kini. Gidugang pa nga atol sa panghitabo, nawala pa ang cellular phone niini. Sa pagkakaron, ang mga suspetsado ang gawasnon pa karong panahona samtang ang insidente ang nakatala na sa buhatan.
Linkback:
https://tubagbohol.mikeligalig.com/index.php?topic=87029.0
Topic: Nasuko kay gihilam ang 'junior,' gikulata (Read 621 times)