MikeLigalig.com

Ni Gabriel Bonjoc/EIM (Banat) | Updated February 8, 2016 - 12:00am


CEBU, Philippines - Aniay leksyon alang sa mga batan-on nga mahilig kaayong mag-selfie sa bisan asang dapit nga ilang magustohan.

Natagak gikan sa gisakyang traysikol ang usa ka babaye diha sa Brgy. Biasong, Dakbayan sa Talisay niadtong Sabado sa hapon tungod sa pag-selfie niini.

Ang biktima nga nailhan lang sa pangan nga Irene, 29, dalaga nga taga P. del Rosario, sa Dakbayan sa Sugbu.

Ang mga residente sa nahisgutang lugar nitug-an nga gikan sa usa resort ang grupo sa babaye ug padung na kining mupauli sakay sa motorsiklo.

Matud pa nga si Irene nikuha sa iyang cellphone dayon nag- selfie samtang nagdagan ang iyang gisakyang traysikol.

Apan kalit nga nakaagi sa libaong nga karsada ang traysikol hinungdan sa pagkatagak ni Irene ug napantok ang ulo diha sa konkretong karsada.

Nagkadugo ang biktima ug gitabang sa mga standby ug residente sa lugar ug gidala sa Talisay City District Hospital  ug gibalhin dayon sa Don Vicente Sotto Memorial Medical Center.  (BANAT NEWS)

Linkback: https://tubagbohol.mikeligalig.com/index.php?topic=81834.0